Shillong, Naitung 01: Ka seng ki nongdie Doh Masi hapoh ka lama jong ka Butchers Association of Meghalaya (BAM) hynne ka sngi Saitjain, ki la shim ia ka rai ban bteng biang ïa ka jingdie doh naduh ka 3 tarik Naitung.
Ia kane ka pynbna da u President ka BAM bah Esron Marwein hadien bala wai ka jingialang jong ki nongdie doh masi na lewduh, Mawlai bad kiwei pat ki bynta hapoh Shillong bad shabar ka nongbah.
U bah Esron ula pyntip ba ia kane ka rai la shim hadien ba ka sorkar jylla lyngba ka tnat Animal Husbandry and Veterinary ka la pyntip ba iaka jingpang sniehdoh ki masi lane ka Lumpy Skin Disease (LSD) la lah ban tehlakam hapoh ka jylla.
U President ka BAM ula kyntu iaki paidbah ba kin sdang biang ia ka ban thied doh masi kumba ju long namar naka liang ruh ka seng ruh kala shim khia bha khamtam haba iadei bad ka jingwanrah iaka dohmasi kaba koit ba khiah ban die sha ki paidbah.
Kum ban shu pynkynmaw ba u Secretary jong ka tnad Animal Husbandry and Veterinary ka jylla ula pyntip ba kila don haduh 8177 tylli ki masi kiba la shah ktah ha ka jingpang LSD bad na kine, 5884 tylli kiba la koit, 101 tylli kiba iap bad 2192 kiba dang shah ktah ha ka jingpang.
Pule ruh: Khlad hashen 2 ngut ha ka jingjia tyngkhuh ka scooty bad ka trok
 hynne ka sngi Saitjain, ki la shim ia ka rai ban bteng biang ïa ka jingdie doh naduh ka 3 tarik Naitung.){kind=link}