Shillong Naitung 12: U Symbud Myntri Rangbah ka jylla Bah Sniawbhalang Dhar, hynne ka sngi Thohdieng ula ong, ba ki Regional Committee jong ka jylla Meghalaya bad Assam kin sa iakynduh lang noh shen ban pynbteng ia ka jingiakren pynbeit ia ka iakajia pud.
Haba iakren bad ki nongthoh khubor, u Bah Sniawbhalang Dhar, uba long u Chairman ka Regional Committee ka West Jaintia Hills District, ula ong “Ngin pyrshang ban iakynduh noh mardor (kum ki Regional Committee na ka Meghalaya bad Assam).”
Ula ong, ba ka jingleit jurip lang ia ki jaka kiba don ia ka jingiakajia lah ban leh ha ka kyrdan jong ki Myntri Rangbah ka jylla.
Ka jingaiti ia ka kaiphod da ki 3 tylli ki Regional Committees halor ka kam pynbeit ia u pud u sam sha k asorkar jylla la pynjlan haduh ka 30 tarik u Nailur.
Ia kane ka la pyntip lyngba ka jingpynbna kaba la pynmih da ka tnad Home (Political) ha ka 10 tarik mynta u bnai.
