Shillong, Naitung 23: U MLA ka Voice of the People’s Party (VPP) na Nongkrem constituency u Bah Ardent Miller Basaiawmoit hynne ka sngi ula pyllait paidbah iaki work order jong ka skhim Special Rural Works Program (SRWP) bad Intensive Sports and Youth Development Programme (ISYDP) schemes jong u snem 2023-2024.
Kine ki skhim ki kynthup T.2.50 klur naka skhim SRWP bad T.3 lak nakaISYDP jong u snem 2023-2024.
Naka skhim SRWP 2023-2024, u MLA ka Nongkrem ula mang T.45 lak naka bynta 60 tylli ki longing ba duk, kata mar T.75,000 sha kawei ka longing, mar T.25,000 sha kawei naki 200 tylli ki longing naka bynta ban pynbha ne pynkha kamra thymmai, mar T.10,000 sha ki 500 ngut ki nongsengkam lajong bas nongkhaii, la mang T.20 lak naka bynta ka skul Pomlakrai Presbyterian Secondary School, Pomlakrai Mawtharia, la mang T.12.50 lak naka bynta ka Lumkynsai Presbyterian L.P & UP School, Smit, la mang T.15 lak iaka Nongkrem Presbyterian Secondary School, Nongkrem Mawpynthaw, la mang T.10 lak iaka St John Bosco, Laitkor Mawrie, T.10 lak iaka H. L. Mizo L. P. School Madanrting, Them Basuk, T. 25 lak iaka Hedrik Memorial Unitarian Upper Primary School, Nongkrem Nongkyndong, T. 15 lak ban pynbha iaka Laitkor football ground, T.15 lak naka bynta ka Mawpynthaw Football ground bad T.50 lak naka bynta ka Reach Shillong Ministries School Laitkor Mawarliang.
Lyngba ka skhim ISYDP 2023-2024, u MLA ula mang T.50,000 iaka Madanrting Sports Club, T.50,000 iaka Pomlakrai Sports Club, T. 50,000 iaka Dongmusa Umphyrnai, T.50,000 iaka Smit Sports Club, T.50,000 iaka Umphrup Sports Club bad T.50,000 Nongkrem Sports Club.
Haba kren ha kane ka sngi, u Bah Ardent ula ong ba kum u MLA um kwah ban iohi ba ki paidbah kin wan ieng lain naka bynta ban pan jingiarap, la ka dei bai dawai ne bai kot, namar kata ka VPP kala iai tynruh iaka Sorkar Jylla ban pynbiang iaki jingdonkam khnang ban suk ki paidbah.
“Ha kine ki sngi, ki don ki MLA kiba la kren kumba kila theh lut shaki paidbah T.10 lak naka T.10 lak, hynrei kim kren shai halor ka T.2.50 klur. Ha kano ka rukom la sam ia kane ka T.2.50 klur” la ong u Bah Ardent.
