Imphal, Lber 10 : Hapoh ka ‘Vikshit Bharat Vikshit North East’ programme, u Myntri Rangbah Narendra Modi ha ka sngi Saitjain ula pyllait ia bun tyli ki project kiba kot kumba T. 3500 klur na ka Jylla Manipur kaba don hapdeng ka jingumsnam iapher jaidbynriew.
Kine ki project ki dei shibynta jong ka song ba T.55,600 klur ki project bala pyllait na ka bynta ki hynriew tylli ki Jylla ka thain Shatei Lam Mihngi ka Ri ha ka jingialang ba long ha Itanagar.
Ka Meghalaya, Sikkim, Arunachal Pradesh, Nagaland bad Tripura ki dei ki san tylli kiwei pat ki Jylla ka thain kiba la shah kdup ha ka Vikshit Programme bala pyllait ha kane ka sngi.
Ki project ba Manipur ki kynthup ia ka jingshna ia ka Mental Hospital ba 60 jingthiah, ka Unity Mall, ki jingtei ba donkam ha ka Manipur Technical University bad ki jingtei ba dnkam jong ka Processing Zone ka IT SEZ.
U Myntri Rangbah ka Jylla N Biren Singh haba kren ha ka jingialang kaba long ha Citi Convention Hall ha Imphal East District bad ong ba ki Jylla ka thain Shatei Lam Mihngi kila iohi ia shibun ki jingkylla naduh ba u Modi ula wan kum u Myntri Rangbah Duh ka Ri.
Ki project bala plie jong ka Jylla ki kynthup ia 2 tylli ki surok hapoh ka CRIF, ki water supply scheme hapoh ka Jal Jeevan Mission, ka Craft Handloom Village, bad 4 tylli ki National Highway (Imphal-Moreh, Tamenglong-Khongsang, Maram-Paren bad Churachandpur-Tuivai).
