Shillong, Risaw 18: U Lat ka jylla Meghalaya C. H. Vijayashankar, hynne ka sngi Saitjain, ula pyllait ia ka thup ba nyngkong jong ki samla pule na Meghalaya kiban leit pyntbit ha ka Skill Development Program ha ki kam bapher bapher hapoh ka AYUSH.
Kane ka prokram kadei shi bynta jong ka sienjam ba la shim da ka Santhigiri Ashram lyngba ka jingkyrshan jong ka Zerodha lyngba ka Corporate Social Responsibility (CSR).
Kane ka prokram ka long kum ka jingsdang jong ka jingialeh ka ban ai jingmyntoi ia ki hajar ngut ki samla na ka thain shatei lam mihngi jong ka ri kaba kynthup ia ka jylla Meghalaya, Assam bad Arunachal Pradesh ha ka AYUSH.
Kane ka prokam kan ym dei tang ban shu ai jinghikai pyntbit hynrei yn kyntiew ruh ia ka rukom kren ia ka ktien phareng, ban tei ia ka jinglong shimet bad kaj ingai jinghikai ha kaba iadei bad ka rukom pyndonkam ia ka pisa pilain bad kiwei kiwei kaban pynkup bor ia kine ki nongiashimbynta bad ki sap ki phong khnang ba kin long kiba seisoh ha ka kam ka jongki.
Kane ka prokram kadei ruh kaba iaid ryngkat lang bad ka Skill India bad Atmanirbhar Bharat Mission, kaba pynleit ban thaw ia ki lad ban iohkam iohjam hapoh ri India kaba la kiew ha ka liang ban ai jingsuamr bad ka jingai ia ka jingsuamr abd ia ki dawai tynrai.
