Shillong, Nailur 19 : U Lat ka Jylla CH Vijayashankar ha ka sngi Thohdieng, ula pyllait ia ka Standard Operating Procedure (SoP) ba thymmai bad ka website ba kyrpang, ban lah pyntreikam bha ia ka kyndon 12 (1)© jong ka Right to Education Act, 2009, ka ban nang pynkhlain shuh shuh ia ka Act.
Ha ka jingkren, u Lat ula ong ia kane ka sienjam kum ka lynti kaba kongsan bha ban lah kdup lang ia baroh, kaba pynioh ia kajuh ka hok, bad ka jingpyndep ia ka hok ioh jingnang jingstad jong uwei pa uwei u khynnah kat kum ka riti synshar ka ri.
Ula kdew ia ka sienjam ban long kham palat ban ia kaba shu pyntreikam ia ka Ain, haba pynpaw ba ka dei ka “buit kynshew ha ka roi ka par ba kdup lang ia baroh, ka jingpynrung ha ka imlang sahlang, bad ka lawei jong ka Jylla Meghalaya bad ka Ri”.
Ula ong ba katba ka SoP ka ai ia ka jingshai bad ka jinglong kumjuh, ka website ba thymmai ka dei ka dei kaba la pynwandur ban wanrah ia ka “jingtreikam ba shai bad ba biang bha” ha ka jingpyntreikam iaka.
Ula pynkut da ka jingiaroh ia ka Tnad Education bad kiwei ki kynhun ba iadonbynta namar ka jingpyn tyllun shakhmat ia ka sienjam da ka jingkhot ban leh eiei noh, haba kyntu ia baroh ba kin iatreilang khnang ban pynthikna “ba ka jingthmu jong kane ka Act kan treikam ha man ki kyndong kynshrot ka Meghalaya”.
Haba ai jingkren, u Vijay Kumar Mantri, Commissioner & Secretary ka Tnad Education, ula ai ka jingbatai kaba shai bha halor ka ain bad ka histori kaba don sha lyndet ka jingpyntreikam ia ka kyndon 12 (1)(c) jong ka Right to Education (RTE) Act.
Ula pynpaw ba ka dei ka sienjam bala ap la slem bha, kaba mynta la bthah ban buh bhah ba 25% ki seat ia ki kynnah kiba wan na ki longiing ba duk ha ki skul shimet,
Ula bynrap “Ka Sorkar kan ai ia ki jingkyrshan pisa da kaba siew pat sha ki skul na ka bynta ka bai skul jong kine ki khynnah. Ka jingsiew ia kane ka pisa kan kham duna na ka bai skul ba buh da kine ki skul lane ka jingpynlut jong ka Sorkar na ka bynta uwei u khynnah ha ki skul Sorkar.
 ba thymmai bad ka website ba kyrpang, ban lah pyntreikam bha ia ka kyndon 12 (1)© jong ka Right to Education Act, 2009, ka ban nang pynkhlain shuh shuh ia ka Act.){kind=link}