Shillong, Jylliew 30: U Myntri Rangbah ka Jylla Conrad K Sangma hynne ka sngi Thohdieng, ula pyllait paidbah ia ki kalo kit Nongshangkai pyrthei bad aiti ia ki 12 tylli ki kali Innova Crysta sha ki 4 tylli ki Tour Operator bad ki riew shimet ba kin pyniaid kam.
U Myntri Rangbah ula pyllait paidbah ruh ia ki dur ba pyllait ia kine ki skhim ha ki rynsan social media jong u.
Ula pyntip ba kine ki kali rem dor kin pynjahthait ha ka leit ka wan bad pynsngewtynnad ia ki nongshangkai pyrthei.
U Myntri Rangbah ula pyntip ba ki don 50 ngut ki riew shimet bad ki Kynhun kiba la jied da ka Tnad Tourism napdeng ki 600 ngut kiba la thep kyrteng ban pyniaid kam ia kane ka skhim thied kali na ka bynta ki nongshangkai pyrthei.
Ka Sorkar Jylla kala ai 50% ka subsidy hapoh kane ka skhim, kaba kynthup ia ka jingsiew ram ha kine ki arsnem ban sa wan, ula bynrap.
In our continuous endeavour to promote tourism, I am pleased to launch the tourism vehicle for tour operators and individuals. As part of the scheme, we have rolled out 16 Innova Crysta today. The luxury vehicles will provide high quality mobility and will enhance the overall… pic.twitter.com/RPYYud5pgO
— Conrad K Sangma (@SangmaConrad) June 30, 2023
U Myntri Rangbah ula ong “Ngin sa ai haduh 50 tylli ki kali ha une u snem mang tyngka, kata ruh kaba duna eh, bad kan shong ruh ha ka jingiaid bad ka jingpyndonkam ia kine ki kali ba ngin iohi, ngi don jingmut ban leh ia kane manla u snem. Lada ngi leh ia kane ha kine ki san snem, ngi khmih lyntu ba ngin sa don 250 tylli ki kali ha kine ki san snem ban wan. Hynrei ka thong jong ngi ka long ba hadien ka jingiohi ia ka jingiaid bha bad jingpyndonkam ia ki kali, ngi lah ruh ban kyntiew sha ka 500 tylli ha kine ki snam snem ban bud”.
“Ngi la leh ia kane ka juh ka rukom ha ka kam rep kam riang..ngi la ai ia ka kali Mahindra pikup sha ki Nongrep bad ki seng nongrep ha ka dor subsidy” ula ong haba bynrap “Ngi la iohi ruh ia ka jingduna ha ka kam jngohkai pyrthei kaba dei ruh ka kam kaba lah ban pynmih pisa nalor ka aikam aijam”.
U Conrad ula ong, ka Sorkar kala phaikhmat ruh sah kiwei kiwei ki tnad bad lada ka iohi ia ki lad ki lynti bad ki jingduna, ka long kaba kloi ba kan shong bishar.
Ula ong ba ka Sorkar kala shim ia kane ka sienjam bad pyntreikam ia ki skhim bapher bapher ban kyntiew ia ka kam jngohkai bad ruh ban ai ia ki kali rem dor sha ki riew shimet bad ki kynhun ki ban nang iarap shuh shuh ban kyntiew s ia ka kam jngohkai ha Jylla.
Pule ruh: Pyrshah jur u Conrad ia ka UCC, ka NPP kan nym ailad ban ktah ia ki riti dustur ba pher tam ka NE
