Shillong, Risaw 30: U Myntri Rangbah ka jylla Conrad K Sangma hynne ka sngi Nyngkong, ula pyllait paidbah iaka Website jong ka Directorate of Sainik Welfare ka sorkar Meghalaya bad ia kane la pyllait haka jingialang jong ka 24th Rajya Sainik Board ha Shillong.
Ha kane ka jingialang jong ka 24th Rajya Sainik Board la iakren halor bha ka miat ki shipai bad ki nongtrei jong ka tnat shipai kiba napoh ka jylla.
Ha ka jingialang la iakren ruh halor ka jingdonkam ban thaw iaka Sainik Rest House ha Shillong, ban thaw iaka Zila Sainik Board bad ka Sainik Rest House ha Tura, ban mang tyngka kyrpang naka bynta ka bha ka miat ki ophisar, naka bynta ka khusnam gallantry award recipients, naka bynta ki Skilled Technical Personnel bad ban tei daka Sainik school hapoh ka Jylla.
Haka jingialang la iakren ruh haba iadei bad ka jingpyllait pisa naka bynta kiba khlad.
Lyngba ka Twitter X, u Conrad ula thoh “Nga la shim bynta haka jingialang jong ka 24th Rajya Sainik Board. La iakren halor ka bha ka miat ki shipai bala shongthait, ban thaw iaka Sainik Schools bad kiwei kiwei de”.
Attended the meeting of the 24th Rajya Sainik Board. Discussed matters related to the welfare of Ex-Servicemen, setting up of Sainik Schools, construction of various infrastructure and other matters. @DefenceMinIndia pic.twitter.com/18U2kFTd9p
— Conrad K Sangma (@SangmaConrad) October 30, 2023
Kiwei kiba don haka bynta haka jingialang ki kynthup u nongialam ka Liangpyrshah u bah Ronnie V Lyngdoh, u Chief Secretary u Bah D P Wahlang lem bad kiwei kiwei.
Pule lang ia kane: Khylliap lama ki samla ia ka HITO ha Ri-Bhoi ba kynnoh leh donbor u President Sengkmie
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
