Tura, Nohprah 05 : Kum ka sienjam ban kyntiew ia ka lehkhuid lehsuba lyngba ki khubor na ka thoh dur, u Myntri Rangbah ka Jylla Conrad K Sangma, hynne ka sngi Palei, ula pyllait paidbah lyngba ka kor Online ia ka “Paint My City” 2024 Campaign na ka bynta ka sor Tura.
Kane ka sienjam, kaba la pynbeit da ka District Planning Office, West Garo Hills, k dei kaba thmu ban pynkylla dur ia ka Tura kum ka sor kaba itynnad lyngba ka jingiashim bynta lang ki paidbah. Kane ka jingpyllait paidbah kala long hapoh ka District Auditorium, Tura ha ka jingiadonlang u Lamphang ka Iingdorbar Thaw Ain Thomas A Sangma bad kiwei kiwei.
Ka “Paint My City” Campaign ka pynleit jingmut bha ha ka jingpyniadon bynta lang ia ki paidbah ban pynitynnad ia ka Tura lyngba ki thohdur ha ki surok bad ka lehkhuid lehsuba.
Kane ka sienjam ka pynshlur ia ki samla ka thain bad ki nongthoh dur ba kin pyndonkam ia ki jaka paidbah kynthup ki Ophis ka Sorkar ba kin thohdur kiba kit jingmut.
U Myntri Rangbah ka Sangma u la ban jur ba kane ka campaign ka dei ka sienjam ban weng ïa ki jingeh kum ka jingjaboh, ki kynroh bym pat airong, bad ki jingtei bym pat pyndep kiba pyni lyngkrung lyngkrang ia ka sor.
“Ka campaign ka thmu ban wanrah ïa ka jingsngewhun bad jingsngew sarong hapdeng ki nongïashim bynta, da kaba ïohi ïa ka jingktah jong ki kam kaba ki leh ia ka imlang sahlang ” u la pyntip.
U Myntri Rangbah u pyntip ba ia kane ka campaign yn sa pynsdang ruh shen ha sor Jowai.
Kiwei kiba la ai jingren ki kynthup ia u Lamphang Thomas A Sangma, u Deputy Commissioner Jagdish Chelani bad kiwei kiwei.
Kum ka jingpynsdang ia ka campaign, la sam ia ka song pisa ba T.50,000 bad ki rong sha ki Development Committee ki ban sa thoh ia ki dur bapher bapher ban pynitynnad ia ki jaka bapher bapher ha kylleng ka sor Tura.
