Shillong, Nohprah 05: U Myntri Rangbah ka Jylla Conrad K Sangma hynne ka sngi Palei, u la pyllait paidbah ia ka kot ‘A Sociological Study of The Khasi Religion’, kaba la thoh da ka Dr. Sharalyne Khyriemmujat bad pynmih daka Cambridge Scholars Publishing House.
Ka kot ba la pynïaid shakhmat da u Syiem ka Hima Khyrim, ka dei ka jingpule shaphang ‘Ka Niam Khasi bad ka Jingngeit tynrai u Khasi.
Haba pyllait paidbah ia kane ka kot, u Myntri Rangbah u la ai khublei ia ka Dr Sharalyne kaba la thoh ïa kane ka kot.
Ka Dr Sharalyne ka la pynpaw ia ka jingsngewnguh ïa u Myntri Rangbah ka Jylla uba la pyllait ïa kane ka kot bad ka la ai khublei ruh ïa u CEM ka KHADC u Bah Pyniaid Sing Syiem uba la ai ka jingkyrshan ban ioh pynmih ïa kane ka kot.
Ka Dr Sharalyne Khyriemmujat ka dei ka Assistant Professor jong ka tnad pule Sociology ha Shillong College bad ka la ioh ia ka PhD jong ka na North-Eastern Hill University, halor ka phang ” Ka Sociological Study jong Ka Niam Khasi 2010″.
