Shillong, Naiwieng 17 : U Myntri Rangbah ka Jylla Conrad K Sangma ha ka sngi Thohdieng, ula pyllait paidbah ia ki kali Health Polyclinic jong ki shipai bala shongthait, ki ban leit ai ia ka jingshakri sha Tura, ha ka jingialang kaba la pynlong ha Rhino Training Centre, Shillong.
U Myntri Rangbah ula pynpaw ia ka jingkyrshan na ka liang ka Sorkar Jylla bad pynskhem ruh ia ka jingkut jingmut ha kaban ai jingkyrshan ia kino kino ki sienjam bala shim, kiba dei na ka bynta ka bha ka miat jong ki shipai bala shongthait.
U Conrad ula pynbna ruh ia ka jingiarap song pisa ba T. 5 lak na ka Chief Minister Special Grant halor kane ka kam ba bha jong ki shipai bala shongthait.
Ula ai ruh ka jingkitbok ba kane ka lynti jam ba kila shim kan long kaba jop.
Haba thoh hapoh ka X, u Myntri Rangbah ula ong “Ngi da sngewnguh ia ka jingshakri jongki shipai jong ngi bad ki shipai bala shongthait ia ka Ri bad kane ka Mobile Polyclinic kaban ai jingsumar ia ki shipai bala shongthait, ka dei ka jingleh kyrpang ban siew kylliang ia kaei kaba kila shakri ia ka Ri. Kum ka Sorkar, ngin bteng ban kyrshan ia kane ka sienjam bala shim na ka bynta ka jingbha jong ki shipai bala shongthait. Nga sngewkmen ban ai ka jingiarap song pisa ba T. 5 lak n aka CM Special Grant sha kane ka kam ba bha”.
Flagged off the Mobile Ex-servicemen Contributory Health Scheme Polyclinic to Tura at Rhino Training Centre, Shillong.
We are grateful for the service of our Armed Forces and our Ex-servicemen to our country and the mobile polyclinic which aims to provide medical care to… pic.twitter.com/GseIgfvvC8
— Conrad K Sangma (@SangmaConrad) November 17, 2023
