Shillong Nohprah 17: U Myntri Rangbah ka jylla u Conrad K. Sangma hynne ka Sngi Ba-ar ula pyllait paidbah lyngba ka kor Online na nongbah Shillong, ia ka jingsdang iaka “Fibre to Home Broadband” jong ka Sor Tura lyngba ka projek Last Mile Connectivity (LMC).
Ka jingsdang ia kane ka projek LMC ha Deputy Commissioner’s Office, kan pynthikna ba ki nongshong shnong ka Tura kin ioh ia ki jingmyntoi lyngba ka Fibre to The Home (FTTH) Broadband lyngba ki Internet Service Provider (ISP) ka thain ki ban thied shibun ia ki Broadband na ka PowerTel.
U Myntri Rangbah ula ong ba ka sorkar ka iengskhem ha kaban pynbiang ia baroh ki jingshakri jong ka sorkar sha ki nongshong shnong kaban long kaba suk, kaba khuid ba suba, kaba shaniah bad kaba duna ka jinglut bad ula ong ba ka sorkar kala shimkhia ha kaban pyniar ia ka jingpyndonkam ia ka internet na ka bynta ki nongshong shnong ka jylla bad wat ia ki jaka treikam jong ka sorkar kiba don ha ki thain nongkyndong jong ka jylla.
Ka LMC project, kadei kaba pyndonkam da ka Optical Ground Wire (OPGW) bad la pynkhlain pat da ka International Internet Gateway (IIG) project. Ka IIG kan ai jingkyrshan ia ki sienjam kiba la shim da ki Tech Park ha ka jylla da kaba wanrah ia ka jingpynduna ia ka jingsuki, ka jingduna ha ka lut ka sep bad kaba shngain ia ki kynhun kiba treikam ha ki Tech Park.
Haba batai shaphang ki jingeh ia ka jingpyniaid napoh khyndew ia ki Optical Fiber Cables (OFC), u Myntri Rangbah ula ong, “Ka sorkar jylla ka pyndonkam ia ka Optical Ground Wire (OPGW) jong ka Meghalaya Power Transmission Corporation Ltd. (MePTCL) ryngkat ka jingiatreilang bad ka PowerGrid Teleservices Ltd, ban weng ia ki jingeh ban pynbiang ia ka jingai jingshakri internet kaba sted.
Ha ka OPGW, ia u optical fiber la buh shapoh khyndew kaba long halor jongu High-Voltage Transmission Line ban pynlong ia ka jingpyniasoh ia u fiber-optic bad ka transmission line. Ka MePTCL ka don kumba 665 Km u OPGW ba la pyniaid ia u transmission line bad 225 Km ki lain ki dang don hapoh ka jingpyntrei. Shijur ki OPGW la ai wai da ka PowerTel na ka MePTCL na ka bynta ka Last Mile Connectivity project.
“Ka OPGW kan long u budlum uba khlain ha kaba ka Last Mile Connectivity (LMC) yn pynbiang sha ki nongpyndonkam kiba hapoh ka Jylla. Ka sorkar ka don ia ka jingthmu ban pynïar ïa ka OFC connectivity na ka OPGW sha man la ki Block Head-quarter (BHQ), Sub-Divisional Head-Quarters (SDHQ) bad District Head-Quarters (DHQ) bad kiwei kiwei ki ophis” la ong u Myntri Rangbah.
Ha ka wat kaba nyngkong jongka LMC project, 30 tylli ki Administrative Head-Quarters kin ioh ia ka jingpyniasoh kaba kynthup ia ki 9 tylli ki DHQ, 1 ka SDHQ bad 20 tylli ki BHQ.
, u Myntri Rangbah ula ong, “Ka sorkar jylla ka pyndonkam ia ka Optical Ground Wire (OPGW) jong ka Meghalaya Power Transmission Corporation Ltd. (MePTCL) ryngkat ka jingiatreilang bad ka PowerGrid Teleservices Ltd, ban weng ia ki jingeh ban pynbiang ia ka jingai jingshakri internet kaba sted.){kind=link}