Shillong, Naitung 10 : Ka Sorkar Pdeng kala ai jingmynjur ban pyllait T.1,066.80 klur sha ki hynriew tylli ki jaka ba syllad ka jingshlei um bad twa khyndew hapoh ka Assam bad ka Meghalaya kala ioh T.30.40 klur.
Ki Jylla kiba la ioh ia kane ka song pisa ki kynthup ia ka Assam, Manipur, Meghalaya, Mizoram, Kerala bad Uttarakhand bad ia kane ka song pisa la ai hapoh ka State Disaster Response Fund (SDRF).
Ka Assam kala ioh bun eh na kane ka song jingiarap hapdeng ki Jylla ka thain Shatei Lam Mihngi da ka jingioh haduh T.375.60 klur. Ka Uttrakhand kala ioh heh duh hapoh ka Ri kaba kot T.455.60 klur, kaba pyni ia ka jingshyrkhei ka jingshlei um bad jingtwa khyndew ha kane ka Jylla.
Ka jingsam ia ka song pisa ka long kumne harum :
Assam – T.375.60 klur
Uttarakhand – T.455.60 klur
Kerala – T.153.20 klur
Meghalaya – T. 30.40 klur
Manipur – T. 29.20 klur
Mizoram – T. 22.80 klur
Kerala – T. 153.20 klur
Ka Ministry of Home Affairs (MHA) kala ong ha ka kyrwoh ba hapoh ka jinglong nongialam u Myntri Rangbah Duh Narendra Modi bad ka jingpyni lynti u Myntri kam Pohiing Amit Shah, ka Sorkar kala kut jingkut pura ban kyrshan ia ki Jylla kiba shah lynshop ha ki bor ka mariang.
Ka song jingiarap bala pyllait haduh mynta da ka Sorkar Pdeng :
In total, this year, the Centre has released:
* T.6,166.00 klur na ka SDRF sha ki 14 tylli ki Jylla
* T.1,988.91 klur na ka National Disaster Response Fund (NDRF) sha ki 12 tylli ki Jylla
* T. 726.20 klur na ka State Disaster Mitigation Fund (SDMF) sha ki 5 tylli ki Jylla
* T.17.55 klur na ka National Disaster Mitigation Fund (NDMF) sha ki 2 tylli ki Jylla.
Ka Sorkar Pdeng kala phah ruh haduh 104 tylli ki kynhun National Disaster Response Force (NDRF) sha ki 21 tylli ki Jylla bad Union Territories ban iarap ha ka jingwan lynshop ki bor ka mariang.
