Shillong Naiwieng 12: Ka Sorkar Pdeng kala pyllait ia ka Fifteenth Finance Commission (XV FC) Grant, ka 1st installment jong ka Untied Grants u snem mang tyngka 2021–22 kaba kot T. 27.00 Klur.
Kane ka song pisa ka dei kaba mang na ka bynta ki shnong ki thaw ha ka jylla Meghalaya lyngba ki 3 tylli ki Autonomous District Council (ADC) ka jylla kiba kynthup ia ka KHADC, GHADC bad JHADC.
Ka sorkar pdeng kala pyllait ruh ia ka Fifteenth Finance Commission (XV FC) Grants jong u snem mang tyngka 2024–25, na ka bynta ki bor pyniaid shnong ha Kerala kaba dei ka 2nd installment jong ka Untied Grants kaba kot T.266.80 Klur.
Katei ka bhah tyngka ka dei naka bynta ki 14 tylli ki District Panchayat bad baroh 152 tylli ki Block Panchayat bad ki 941 tylli ki Gram Panchayat ha ka jylla.
Ka Ministry of Panchayati Raj bad Ministry of Jal Shakti kala ai jingmut ban pyllait ia ka XV–FC Grants sha ki jylla na ka bynta ban peit ia ki kam shnong kam thaw. Ia katei ka bhah tyngka la tyrwa bad pyllait ha ki 2 Installment .
Ka Untied Grants kaba la ai sha ki bor pyniaid shnong ka long ba kin peit ia ki jingdonkam katkum ki 29 tylli ki sobjek kiba la kdew ha ka Eleventh Schedule jong ka riti synshar ka ri, lait noh tang ki jinglut kiba iadei bad ka tulop bad kiwei kiwei ki jinglut jingsep.
Katba ka Tied Grant kadei naka bynta ban kyrshan ha ki kam ki jam kiba kynthup ia ka jingkhuid jingsuba bad ka jinglum jinglang ia ki jaboh jabain, ka jinglum ia ki niut na ki iing, ka jingpynkhuid ia ki jaboh kiba mih na ki painkhana abd ban pynthikna ba don ka jingsam ia ka umbam umdih ryngkat bad ka jingpynlang ia ka um slap abd ia k iald ban ialeh ban pynkhuid bad ban ioh pyndonkam biang ia ka um.
 Grant, ka 1st installment jong ka Untied Grants u snem mang tyngka 2021–22 kaba kot T. 27.00 Klur.){kind=link}