Guwahati, Naitung 08: Ka Sorkar Pdeng mynta ka sngi, kala pyllait ka song pisa ba kot T. 35 klur na ka bhah ka Sorkar Pdeng sha ka Jylla Arunachal Pradesh ba kan pyntreikam iaki project kiba dang iaid shaid shaid jong ka skhim Pradhan Mantri Jan Vikas Karyakram( PMJVK)
Ka Pradhan Mantri Jan Vikas Karyakram (PMJVK) ka dei ka skhim bala pynwandur ban iarap kyntiew iaki kam pynroi ha ka jaka ba shongshnong da ki jaidbynriew ritpaid. Ki program ki iarap iaki Jylla bad ki UTs ban pyntrei iaki jingtei naka bynta ban kyntiew iaki rit paid ban ia ryngkat bor bad kiwei ki Jylla hapoh ka Ri.
U Myntri Sorkar Pdeng ba khmih iaka tnat Minority Affairs bad Parliamentary Affairs, u Kiren Rijiju ula lum ka jingialang bishar iaki kam jong ka skhim (PMJVK) ka tnat Ministry of Minority Affairs naka bynta ka Jylla Arunachal Pradesh.
U Myntri ula pynbna ruh iaki project thymmai ba kynthup ia kawei ha Kumchaikha jong ka Diyun Circle bad kawei ha Pakpu Maling.
U Myntri Rangbah ka Jylla Arunachal Pradesh u Pema Khandu, u Symbud Myntri Rangbah u Chowna Mein, U Myntri ka tnat Social Justice Empowerment and Tribal Affairs (SJETA) u Kento Jini bad u nongaibuit sha u Myntri Rangbah uba dei ruh u MLA u Rode Bui, kila don lang haka jingialang.
Ka Sorkar India kala kular ban kyntiew iaki rit paid, kum ki riewngeit Buddhists ka Jylla Arunachal Pradesh kiba don sha kyndong eh jong ka Jylla.
Haka jingialang la iakren ruh iaka thong ban pynthymmai iaki jaka pule niam tynrai, ban pynbiang iaki jaka hikai pyntbit. Ka thong ka long ban pyndep noh iaki 10 tylli ki project hapoh ka Buddhist Development Plan haka jinglut kaba ym duna iaka T. 41.07 klur.
Ka program kadei ban iasoh iaki project ka skhim jong ki Ministry kum ka PMJVK, PM-Vikas bad ki Scholarship kiba hap bad khmih daka National Minorities Development Finance Corporation Ltd. (NMDFC).
