Shillong, Rymphang 28 : Ka Sorkar Pdeng kala pyllait haduh T.27 klur ka song pisa na ka United Grant u snem 2021-22 sha ki lai tylli ki Autonomous District Council (ADC) ba kin pyntrei ia ki kam pynroi bapher bapher.
La pyllait ia kane kat kum ka jingai jingmut jong ka Fifteenth Finance Commission, ong u Lat ka Jylla haba ai jingkren hapoh ka Dorbar Mang tyngka hynne ka sngi Thohdieng.
U iathuh ba ka Sorkar kala pyntreikam ia ka Digital India Land Record Modernization Programme lyngba ki lai tylli ki ADC. Ka Sorkar Pdeng kala mang pisa haduh T.41.58 klur na ka bynta kane ka prokram.
Ka kam ban sorjamin bad pynrung ia ki dulir ha ki kor computer ka dei kaba la sdang hapoh ka Jylla, ka ban sa sdang trei kam hadien ka jingiasyllok bad ki ADC lem bad ki Dorbar Shnong bad ki Nokma.
 ba kin pyntrei ia ki kam pynroi bapher bapher.){kind=link}