Shillong, K’lyngkot 9: Ka North Eastern Council (NEC) kala pyllait ia ka song pisa ba T.13,45,38,500 na ka bynta ki kam pynroi bapher bapher ha Meghalaya, da kaba pynleit jingmut ha ka kam jngohkai, ka kolshor, ki jingtei bad ka pule puthi.
Ki projek ki kynthup ia ka jingtei ia ki jingtei kiba iadei bad ka kam jngohkai ha Laitlyngkot, ka Cultural Complex ha Seng Khasi Ri Raid Laban bad ka Commercial Building ha Iewdak Laban Municipal Market.
Nalor kane, la pyllait pisa shuh shuh ban tei ia ki iing skul ha bun tylli ki jaka kaba kynthup ia ka RKM School (ha Laidiengsai, Mawrah, Laitryngew, Wahlong, Pynursla, Pomsohmen bad Nongkynrih) bad ban pynbha ia ka rukom lum ia ki nuit bad ki jingtei ha ka surok ban rung sha Iewduh.
La pyllait ia ka T.3 Klur hapoh jong ka NESIDS (Roads) ban shna pynbha ia ki surok kaba kynthup ia ka Shillong City sha Umroi Airport Road, kaban ai jingmyntoi ia ki 10 tylli ki shnong kaba don ia ki nongshong shnong kumba 7,287 ngut.
Ha u Nohprah 2025, ka North Eastern Council (NEC) kala pyllait ia ka pisa kaba kot T.76,78,58,035, kaba kynthup ia ka jingpyllait na ka bynta kiwei kiwei ki jylla ka thain shatei lammihngi ka ri bad kumjuh ruh ia kiwei pat ki shnad treikam kiba don ha kylleng ka thain shatei lammihngi.
Nalor kane, ka North Eastern Council (NEC) kala pyllait ia ka pisa kaba kot baroh T. 26,47,42,847 sha ka thain bad kiiwei kiwei ki shnad treikam ha utei u bnai.
Kane ka jingai jingkyrshan kadei kaba la pyniar ha kylleng ka thain, halor ki sienjam kiba bun kiba la shim da ki skulbah, ki jaka pule kiba leh ia ki Research ne jingwad bniah, ki Corporation kiba kyrpang bad Cultural Organisation ha kylleng ka thain North Eastern.
Ki projek kiba heh ki kynthup ia ka jingseng ia ka kper rep soh Kiwi, ka jingai jingkyrshan ha ka pule puthi na ka bynta ki 91 ngut ki Boarder Scholars bad 622 ngut ki day scholars jong ki jylla ka North East, ban tei ia ka Banana Tissue Culture, ban iada ia ki jaka kiba la rim bha bad ban kyntiew ia ka kamai kajih kaba lah ban iai neh lyngba ka Geographical Indication (GI) registration ia ki 166 tylli ki marrep bad ki tiar ki tiar ka thain, ka jingseng ia ka Pig Breeding Units (Phase-III), jingkyntiew ia ka Medicinal bad Aromatic Plants (MAP) kaba iadei ruh bad ki lad ban kamai jakpoh, ban thaw ia ka jinglong jingman ha kaba iadei bad ka sengkam sengjam ban kyntiew ia ka kamai kajih ha nongkyndong, ka jingtei ia ka Scientific Smoked Meat Production Units, ki kam pynroi bapher ha kaba iadei bad ka rep ka riang ban kyntiew ia ka jingri sniang bad dohkha bad kiwei kiwei.
Kiwei kiwei ki bym dei ki projek jong ki jingtei kiba kynthup ia ki Seminar, Cultural Programmes, Youth Exchanges, Technology and Innovation, Academic and Linguistic Workshops bad ki jingpule halor ka Sustainable Development.
 kala pyllait ia ka song pisa ba T.13,45,38,500 na ka bynta ki kam pynroi bapher bapher ha Meghalaya, da kaba pynleit jingmut ha ka kam jngohkai, ka kolshor, ki jingtei bad ka pule puthi.){kind=link}