Shillong, Naitung 04 : Ka North Eastern Council (NEC) kala pyllait ia ka song pisa ba T.9,14,55,500 ha u bnai Jylliew ban pyntreikam ia hynniew tylli ki project ha Meghalaya.
Haduh T. 3,21,18,750 la pyllait na ka bynta ban tei ia ka RCC G+4 Commercial Building ha Iewdakm, Laban Municipal Market, Shillong ban die jhur, soh, doh sniang, syntiew bad kiwei kiwei.
T. 1,02,89,000 la pyllait ban shna ia ka jaka jngohkai ha Laitlyngkor (Lamlyer), East Khasi Hills, T. 1,24,52,000 sha ki kam pynroi ha ki jaka bala shu ieh, ki nongshongshnong kiba la shu ieh da kaba kyntiew ia ka thoh ka pule lyngba ka jingkyntiew kyrdan ia ki skul RK Mission bala shu jied ha Meghalaya (RKM School, Umploh & Mawkynrew).
T. 1,47,37,000 – RKM School, Jalapet & Laityngkot, T. 1,07,64,000 – RKM School, Laitlyndop bad Mylliem, T. 73,04,000 – RKM School Mawsmai bad T. 37,90,750 – ka jingtei ia ka Cultural Hall jong ki 6 tylli ki Sein Raj ha East bad West Jaintia Hills District
Nalor kane,ka NEC kala pyllait ruh ia kasong pisa ba T.8,88,00,000 hapoh ka NESID (Roads) ban shna ia ka surok Pynursla0 Latangriwan-Mawlynnong.
“Ia kine ki song pisa la pyllait ban kyrshan ia ki kam bapher bapher kynthup ki lad pyniasoh da ki surok, ki jingtei ha ki jaka jngohkai, ki cultural instrastructure bad ka jingpynroi ia ki jaka bala shu ieh” ong ka NEC ha ka kyrwoh.
 kala pyllait ia ka song pisa ba T.9,14,55,500 ha u bnai Jylliew ban pyntreikam ia hynniew tylli ki project ha Meghalaya.){kind=link}