Shillong, Jylliew 13 : Ka North Eastern Council (NEC) kala pyllait ia ka song pisa ba T.4.94 klur ha u bnai Jymmang ban pyntrei ia ki 11 tylli ki project ha ka thain Shatei Lam Mihngi bad haduh 7 tylli ki dei kiba pyntrei ha Meghalaya.
Ka NEC ka pyntip ba T.1.52 klur la pyllait na ka kam ri sniang bad ri dohkha ha ki shnong kiba hap hapoh Umling bad Jirang C&RD Block, Ri-Bhoi.
T. 33.97 lak la ai ban kyntiew ia ka kamai jakpoh ha ka kam rep shynrai lyngba ki rukom rep ba janai bad ka jingstad saian bad ka jingai syrnot kum ki marrep organic (khlem ai dawai) ha Ri-Bhoi.
T.62.90 lak la ai ban tei ia ka hostel ki shynrang bad ka iingskul ha Khongong, Wapung, East Jaintia hills, T.51.90 lak ban leh survey bad tohkit ia ka Myntdu-Leshka (stage-II) HEP (3×70 MW) East bad West Jaintia Hills District.
T.1.82 lak ban leh survey bad tohkit ia ka Selim HEP (2×85 MW) West Jaintia Hills, T. 28.80 lak – ban survey bad tohkit ia ki kam ha ka Mawblei HEP 140 MW West Khas Hills District, bad T 8 lak na ka bynta ka 7th Act East Business Show ha Shillong, Meghalaya.
Kiwei ki project ki dei kiba la pyntrei ha Tripura bad Nagaland.
Ia kine ki song pisa la pyllait kum ka jingkyrshan ia ki kam bapher bapher kynthup ia ki kam jngohkai, karkhana, ka rep ka riang, ki lad pyniasoh, science & technology, irrigation, tehlakam ia ka jingshlei um, kyntiew ia ka kolshor bad kiwei kiwei.
 kala pyllait ia ka song pisa ba T.4.94 klur ha u bnai Jymmang ban pyntrei ia ki 11 tylli ki project ha ka thain Shatei Lam Mihngi bad haduh 7 tylli ki dei kiba pyntrei ha Meghalaya.){kind=link}