Shillong, Nailar 09 : Ka Meghalaya Public Service Commission (MPSC) ha ka sngi Thohdieng, kala pyllait paidbah ia ka marks jong baroh ki kyrtong kiba iakhun ia ka eksam Meghalaya Civil Services (Prelims).
“Ia ka marks jong ka eksam MCS (Prelims) la pyllait paidbah mynta” ong ka hukum bala pynmih da u Chief Controller of Examination ka MPSC.
Ka MPSC kala khein iap noh ruh ia ka Office Notice ba 6 tarik Nailar 2024, kaba pan ia ka jingbit na ki kyrtong ban pyllait paidbah ia ki marks. Kala pyllait ruh ia ki answer key jong ka eksam MCS Preliminary bala pynlong ha ka 4 tarik Naiwieng, 2023.
Nalor kane, ka Commission kala pynjlan ruh ia ka personal interview na ka bynta ka kam Meghalaya Police Service (MPS).
“Namar ki daw ki bym lah kiar, ia ka personal interview jong ka kam Meghalaya Police Service hapoh ka Tnad Home (Police) (Nailar.2019) bala pynbna lyngba ka notification ba 25 tarik Naitung 2024, la pynjlan noh tad haduh da pynmih da kawei pat ka jingpynbna. La bthah ia ki kyrtong ba kin khmih na ka website jong ka Committee ban ioh ia ki jingtip kiba bniah” kala ong.
Ka hukum kala mih tang hapoh 24 kynta hadien ka jingialang bala pynlong hapdeng u Chairman ka MPSC bad ki Nongialam ka Khasi Students’ Union (KSU).
Ha ka sngi Palei, ka KSU kala thang ia ka tyngshop jong ki bor pyniaid ka MPSC kum ka dak ban pyrshah ia ka jingbym lah jong ka Commission ban pyllait paidbah ia ki marks jong kiba iakhun ia ka eksam MCS.
 ha ka sngi Thohdieng, kala pyllait paidbah ia ka marks jong baroh ki kyrtong kiba iakhun ia ka eksam Meghalaya Civil Services (Prelims).){kind=link}