Shillong, Rymphang 19 : U Symbud Myntri Rangbah ba khmih ia ka Tnad PWD (Roads) Bah Prestone Tynsong, ha ka sngi Nyngkong ula pyntip ba ka Ministry of Road Transport & Highway kala pyllait ia ka song pisa ba T. 681.62 klur kum ka bai thied jaka ban shna ia ka surok Shillong-Western Bypass.
U Bah Prestone ula pyntip ia kane haba jubab ia ki jingkylli hapoh ka Iingdorbar Thaw Ain ka Jylla.
Kat kum ka jingong jong u, ka kam ba iadei bad ka surok 2-lane jong ka Shillong-Western Bypass kala don ha ka khep ba khatduh ban pyndep ia ka jingthied jaka.
Ula ong ba ka por bala buh ban pyndep ia ka project ka long arsnem naduh ba pynbna ia ka jingsdang ka jingtrei.
“Nga la buddien bha ia kane ka kam bad nga sngewtynnad ban pyntip ba ka Ministry of Road Transport kala ai ia ka song pisa ba T. 681.62 klur kum ka bai thied aka bad ngi dang ap ia ka pisa ba kan poi sha ki Deputy Commissioner bad nga thikna ba ngin ioh ia ka pisa ha une u snem mang tyngka” ong u Bah Prestone.
Ula pyntop ruh ba ka projecr jong kane ka surok Shillong-Western Bypass ba 38.256 Km ka sdang na Lad Umsaw bad kan kut ha Lad Mawreng.
U Nongialam ka Liang Pyrshah Bah Ronnie V Lyngdoh ula kyrpad ia ka jingtuklar jong u Bah Prestone ban pynsted noh wut wut ia ka jingpyntrei ia ka surok khnang ba kan pynduna ia ka jingdheng kali ha nongbah Shillong.
Ula air uh ka jingiaroh ia ki sienjam bala shim da u Symbud Myntri Rangbah ban pynbeit ia ka kam iadie iathied jaka haba iadei bad ka surok Shillong-Dawki, kaba la iaid ka jingpyntrei mynta.
 Bah Prestone Tynsong, ha ka sngi Nyngkong ula pyntip ba ka Ministry of Road Transport & Highway kala pyllait ia ka song pisa ba T. 681.62 klur kum ka bai thied jaka ban shna ia ka surok Shillong-Western Bypass.){kind=link}