Pyllait ka MFA ia Trophy bad Logo ka lympung ialehkai MSL

Date:

Share post:

Shillong, Iaiong 26: Hadien ka jingshah pyndik haka khlam COVDI, ka Meghalaya Football Association (MFA) hynne ka sngi ka la pyllait ia ka Trophy, logo, ka website bad ka jingrwai jong ka Meghalaya State League (MSL) ka ban sdang ha u bnai Jymmang 2023.

La pyllait ia ka Trophy da u president ka MFA bah Larsing Ming Sawian, katba ia ka website, u logo bad ka jingrwai la pyllait paidbah da u Tournament Director jong ka MSL bah Wanshan Kharkrang.

Kum ban shu pynkynmaw ba kane ka lympung ialehkai Footbal kan sdang ha ka 12 tarik u Jymmang 2023, ha kaba la ia shim bynta kumba 25 tylli ki kynhun ialehkai football na kylleng ka jylla.

Ia kane ka jingialehkai la phiah ha ki saw kynhun bad ia ki jingialehkai yn pyniakhun ha nongbah Tura, Mawkyrwat, Shillong bad Jowai. Ia ki jingiakhun semi final yn pyniakhun ha ki ar leg (home & away), bad ia ka final yn pynlong ha nongbah Shillong.

Pule lang ia kane: Tripura: Shah thombor u YouTuber ba iashim bynta ki model Hindu ha ka ‘Eid Eid music video’

Ia ka theme song bad music video la pynmih da ka Jessie Lyngdoh bad ka kynhun.
Ka Shillong Lajong FC ka la long ka lahduh ka MSL 2019 bad hadien kane ym shym la pylong amar ka jingpynthut ka khlam Covid-19.

Haba ai jingkren na ka liang u bah Larsing Ming Sawyan u la pynpaw ia ka jingkmen ba kane ka MSL ba mynta ka dei kaba thymmai bad kaba kham itynnad bad kane kan kyntiew shuh shuh ia ka phutbol ha ka jylla.

Katba na ka liang u Joint Secretary, u bah Dipshon Ryntathiang u la pynpaw ia ka jingkmen namar la sakhi ba ka jylla ka la nangkiew irat ha ka phutbol ha kaba dangshen ka la iohrung shaduh ka final ha ka Santosh Trophy bad liem salit noh ha ka Karnataka.

Na ka liang u bah Wanshan Kharkrang, uba dei u Director ka MSL Tournament u la ong ba ka MSL kan sa long kawei na ki tournament ialehkai phutbol ban paw ha ka ri.
U Bah Ming u la ai khublei ruh ia ka sorkar jylla, khamtam ia u Myntri Rangbah, Myntri tnat ka Sports and Youth Affairs kiba la iatreilang ban pynurlong ia ka MSL bad khamtam ka jingnoh synnniang pisa.

Mynta u snem ka nongbah Jowai kan ioh plie pyrda ia kane ka tournament ha ka 12 tarik bnai ban wan ha Kiang Nangbah Stadium. Ha ka sngi sdang ka jingiakhun kan long hapdeng ka Niaw Wasa United pyrshah ia ka Rangdajied United.

Ki kynhun ki ban shim bynta ha kane ka jingiakhun ki kynthup Shillong Zone- Mawlai SC, Jyntru, Seng Samla Laitryngew, Umkseh SC, Langsning SC, Umrit SC Jowai Zone- Niaw Wasa United, Rymbai Iawpynsing SC, Mulait United FC, Sein Pynbhalang SC, Rangdajied United FC, Ladthadlaboh SC, Youth Club Pdengkarong Mawkyrwat Zone- Pyndengrei SCSC, Mawten SC, Riangdo YSCA, Seven United SCCC, Lumdiengngan SC, Shillong Lajong FC
Tura Zone- Chipakkore FC, Warima YC, Wasa FC, Atong Matgrik FC, Khliehmawlieh YC, Selsella Sports Association.

Pule lang ia kane: Iakynduh ki Nongri sniang ia u Myntri, kyntu ban khang noh ia ki sniang nabar Jylla

Share post:

spot_img

Popular

More like this
Related

Elekshon JHADC | Haduh 117 ngut mih ki kyrtong ban aireng | Para marwei iakhun u CEM bad kyrtong VPP

Shillong, Rymphang 03 :Haduh 117 ngut ki kyrtong kin...

Kem ka ANTF ia 3 ngut ki nong Mizoram ba khaii ganja bad kyiad

Shillong, Rymphang 03: Ki pulit jong ka ANTF East...

Railway network of Northeast is more than that of Sri Lanka

Guwahati, Feb 3: Railways Minister Ashwini Vaishnaw today said...

Shillong Premier League | Pynliem ka Langsning FC ia ka Ryntih da 2-1 kol

Shillong, Feb 3: Ka Langsning FC kala pynrem ia...