Shillong, Oct 01: Ka Meghalaya Football Association (MFA) ha ka sngi Nyngkong kala pyllait ia ka Fixture jong ka Quarter Final jong ka Meghalaya Youth League 2024 kaban sdang naduh ka 5 tarik u Risaw.
Baroh kitei ki jingiakhun kin long ha ka nongbah Shillong ha ka 5 tarik u Risaw bad 7 Tarik u Risaw ha kaba yn pynialehkai ha ka Third Ground, Polo, katba ia ka jingiakhun ha ka U-16 yn pynlong ha SAI Ground jong ka NEHU Campus.
Ia kane ka lympung iakob ialehkai football ki khynnah kaba dei ha kasien kaba nyngkong la pynlong da ka MFA lyngba ka jingkyrshan ka jongka Department of Sports & Youth Affairs bad haduh mynta la sakhi ba kala don haduh palat 500 kol kaba la thep ha ka U-14 bad 144 kol ha ka U-16 kaba la long ha kylleng ki bynta jong ka jylla bad la sakhi ruh ia ka jingpyni iaka sap ka phong ialehkai jong ki khynnah rit.
Mynta kiba sah ki don sa 8 tylli ki kynhun kin iakynduh lang ha Shillong ban iakhun ha katei ka ka jingiakob ialehkai football.
Ha ka U-14, ka nongjop ha ka Zone A ka Tura District Football Association kan iakhun pyrshah ia ka Meghalaya Football Association (MFA) ba wan baar ha ka Zone C ka Shillong Sports Association haka jingiakhun kaba nyngkong ha ka sngi sdang jongka Quarter Final ha ka por 10:30 mynstep bad ha ka por 1 baje mynsngi ka nongjop jongka Zone B ka West Jaintia District Sports Association kan iakhun pyrshah iaka kynhun kaba wan baar haka Zone D ka Pyndengumiong District Sports Association.
Ha ka 7 tarik u Risaw ka nongjop ha ka Zone C ka Ri-Bhoi District Sports Association kan iakhun pyrshah iaka kynhun kaba wan baar ha ka Zone A ka North Garo Hills District Sports Association ha ka por 10:30 mynstep bad haka por 1 baje mynsngi ka nongjop ha ka Zone D ka Nongstoin District Sports Association kan iakhun pyrshah ia kaba wan baar ha ka Zone B ka Amlarem Block Sports Association.
Ha ka U-16 Quarterfinal ka kynthup ia ki 7 tylli kijuh hi ki kynhun hynrei ka jingiapher ka long ba ka Williamnagar District Sports Association kala long ka lahduh ha ka Zone A bad kan iakhun pyrshah iaka Shillong SA ha ka por 12 baje mynsngi haka 5 tarik u Risaw bad hadien kane ka West Jaintia kan iakhun pyrshah ia ka Pyndengumiong ha ka por 2 baje mynsngi.
Ha ka 7 tarik u Risaw, ka Ri-Bhoi kan iakhun pyrshah ia ka North Garo Hills ha ka por 10 baje mynstep, katba ka Nongstoin kan iakhun pyrshah ia ka Amlarem ha ka por 12:30 mynsngi.
Ia ka Semifinal yn pynlong ha ka 9 tarik u Risaw bad ia ka Final ha ka 11 tarik u Risaw.
 ha ka sngi Nyngkong kala pyllait ia ka Fixture jong ka Quarter Final jong ka Meghalaya Youth League 2024 kaban sdang naduh ka 5 tarik u Risaw.){kind=link}