Shillong, Rymphang 08: Ka kyrtong jong ka All India Trinamool Congress (AITC) na North Shillong konstitwensi ka kong Elgiva Gwyneth hynne ka sngi kala pyllait paidbah ia ka kot lyngkdop naka bynta ban pyntreikam hapoh ka konstitwensi lada ka shah jied kum ka nongmihkhmat ha kane ka ilekshon ban wan.
Haba kren ha kane ka jingialang, ka kong Elgiva kala ong ba ka thong ban pyllait ia kane ka kot lyngkdop kadei katkum ka jingiohi jngai bad ka long ruh ki jingangnud jong ka ban pyntreikam bad pynkylla dur ia ka konstiwtensi baroh kawei lada ka wan ha ka jingjop.
Ka kong Elgiva ka la kam ba man haka ilekshon bun ki kyrtong kiba iakhun kin ong ba ki ieid ri bad ki ai ïa ki jingkular kiba bun rukom hynrei kam kwah satia ban long kum kita hynrei ka kwah ban pynsawa da ki kam.
Kala iathuh ba ha kane ka kot lyngkdop kala bsuh iaki mat treikam jong ka ba kynthup naduh ka jingbuh ïa ki jaka ai jinghikai pyntbit ïa ki khynnah samla, ka jingbuh ïa ki jaka ai jingsumar hapoh katei ka thaiñ, ban plie ki jaka ai jinghikai na ka bynta kiba thmu ban pynkhreh ïalade ha ki eksamin kam bapher bapher, ban pynlong da ki prokram jingïalehkai kilan met na ka bynta ki samla ka thaiñ kiba don ïa katei ka sap bad kiwei kiwei de.
