Shillong, Lber 17: Ka Airtel hynne ka sngi kala pyllait paidbah iaka jingpyntreikam iaka Internet ‘Unlimited Data’ naka bynta kito kiba pyndonkam Airtel Sim Card 5G Plus.
Kane ka jingai ei Internet lane ka ‘Unlimited Data’ kadei ruh kum shi bynta ban pynshlur iaki briew ban pyndonkam daka Network Airtel 5G Plus.
Lyngba kane ka ‘Unlimited Data’ ki briew kiba pyndonkam iaka Network Airtel 5G Plus kim donkam shuh ban khuslai iaka jinglut noh ka bai Internet namar ia ka jingdonkam Internet yn bah khlieh hi daka Network Airtel.
Naka bynta ban ioh ia kane ka skhim ‘Unlimited Data’ ki paidbah kiba pyndonkam Postpaid bad kiba pyndonkam Prepaid kidei ban pyndonkam daka Plan ka ba T. 239 lane palat ia kane ka Dor.
Ia kane ka ‘Unlimited Data’ jong ka Network Airtel 5G Plus la pyntreikam ha ki 270 tylli ki nongbah ka ri India bad ki paidbah kiba kwah ban pyndonkam iaka ‘Unlimited Data’ kidei ban don daka Mobile phone ka ba lah ban thep Sim Card 5G.
Kino kino kiba kwah ban pyndonkam iaka ‘Unlimited Data’ ki lah ban apply daka leit sha ka website https://www.airtel.in/airtel-thanks-app.
Haba iadei bad kane u Director Consumer Business ka Bharti Airtel u Shashwat Sharma ula ong ba ka jingpyntreikam iaka ‘Unlimited Data’ kadei naka bynta ban shakri iaki paidbah bad ban pynthikna ba ki ba pyndonkam iaka Network Airtel kim donkam shuh ban khuslai ioh lut noh ka Internet.
U Shashwat Sharma ula ong ba ka ‘Unlimited Data’ lyngba ka 5G Plus kan step haduh 30 shah ban ia nujor bad ka 4G bad ula ong baka Airtel ka don iaka thong ban pyntreikam noh iaka 5G ha baroh kawei ka ri India hapoh u bnai Lber 2024.
