Shillong, Iaiong 29 : Uwei u Khynnah Skul, ula ioh pyllait im ia iwei I Khunlung ba dang shu kha, bala suba jur ba tep im ka kmie ha ka thain Ri-Bhoi District.
Kat kum ka video bala saphriang ha ki rynsan social media, ka pyni ia uwei u Khynnah Skul uba dang khlong ia ka khyn dew kaba tap lup ia I Khunlung hapdeng ka jingiadonlang ki longkmie na shalyndet, kiba la batai ia u kumno ban leh.
Kine ki Longkmie kila batai ba un sei pynsted ia ine I Khunlung na ka khyndew bad ban pynkhuid mar mar ia ka khyndew kaba tap ia ka durkhmat, ka khmut bad shyntur khnang ba ine I khunlung in ioh ring mynsiem.
Kat kum ka khubor ka bym pat lah pynthikna hok, la iathuh ba kane ka jingjia kala jia ha kawei ka shnong kaba don ha ka thain Mawhati.
Ia ine I khunlung la rah wut wut sha ki jaka sumar kiba don marjan bad ki Pulit kila hiar sha katei ka shnong ban pynlong ia ka jingtohkit.
