spot_img

Pyllait im ki BSF ia u Rangbah ba shitom jur da kaba kit mardor sha Hospital

Date:

Share post:

Shillong Naitung 31: Ki shipai Border Security Force (BSF),Meghalaya Frontier, kila leh ia ka kam kaba khraw da kaba ai jingiada ia ka jingim jong uwei u rangbah ba prie da ka snam, da kaba pynkit mardor ia u sha Hospital.

Ki BSF kila pyntip ba uwei u rangbah uba shong basah ha ka shnong Hawai Bhoi, West Jaintia Hills district kaba don ha ka thain khappud, uba la tip kyrteng kum u Bah Sanjay Shadap (45 snem), ula shitom jur namar ka jingprie da ka snam, kumta ha ka por 1:30 mynsngi u Rangbah Shnong ka Hawai Bhoi Bah Phumen Shadap, ula wan kyrpad ia ki shipai BSF jongka BOP Muktapur (4 Bn BSF) ban iarap ia une u rangbah uba la shitom jur.

Ki BSF khlem da pynslem kila leit ban shaw ia une u rangbah ba shitom da kaba iaid na ka surok kaba la sniew bha khamtam haba kane ka shnong kam don ia ka kali kit nongpang bad ka long ruh kaba eh ia ki kali ban poi sha katei ka shnong. Ki BSF kila leit da ka Bolero Camper ban poi sha katei ka shnong ban kit ia une u nongpang.

Ynda kila poi ha ka tei ka shnong, ki BSF kila kit ia u Bah Shadap sha BOP Muktapur bad nangne pat la pynkit noh ia u da ka kali kit nongpang ne Ambulance jong ka BSF ban kit mardor sha NEIGRIHMS, Shillong.

Namar ka jinglah ki BSF ban pynpoi kloi ia une u nongpang sha Hospital, ki nongai jingsumar kila ioh ban iada ia ka jingim jong u Bah Shadap bad mynta u don hapdeng ka jingshah sumar ha NEIGRIHMS.

Kane ka jinglah ki BSF ban leit shaw bad ban leit buh mardor ia u nongpang sha Hospital kadei kaba la ioh jingiaroh na ki nongshong shnong ka thain khappud khamtam haba une u rangbah ula lait na kano kano ka jingjia kaba sngewsih.

Share post:

spot_img
spot_img

Popular

More like this
Related

Durand Cup | Thaw histori ka NEUFC ban long Champion arsien kynthih naduh u snem 1991

Kolkata, Nailar 23: Ka NorthEast United FC kala thaw...

Arunachal | Kyntu u Lat ia ki Lyngdoh niam ban buh jingthoh iaki jingleh tynrai

Itanagar, Nailar 23: U Lat ka jylla Arunachal Pradesh...

Sdang ka lympung Futsal ki kynhun ba kyrshan ïa ki Club pawnam ka pyrthei

Nongstoiñ, Nailar 23: Ki riew ieid Football kiba kyrshan...

Assam CM hits back at Jamiat Ulama-i-Hind chief

Guwahati, Aug 23: Assam Chief Minister Himanta Biswa Sarma...