Shillong, Rymphang 29: U Myntri ka tnat Social Welfare u Bah Paul Lyngdoh u la pyntip ba ka tnat kan nang pynkhlain shuh shuh ia ki jingialap ban pynsngewthuh paidbah halor ka jingma naka jingshong kha khynnah (Early Child Marriage).
Haba kren sha ki lad pathai khubor u Bah Paul u la ong ba ka shongkha khynnah kadei kawei ka daw bah ba kiew ka jingpep skul shiteng bad ka jingduk hapoh Meghalaya.
U Bah Paul u la kam baka jingshong kha khynnah ka jur bha haki thain kyndong ba kham pajih naka Nongbah bad ki jaka sor.
“Ka tnat kala leh ka jingwad bniah kaba tista bha bad ka sngew ba ka long kaba donkam ban ialap bad pynsngewthuh paidbah halor ka jingma naka kam shongkha khynnah” la ong u Bah Paul.
U Bah Paul u la ong ba ka Sorkar kala shim ki sienjam ban pynsngewthuh paidbah ia kane ka kam bad kala pyllait ruh iaka kot ain POCSO bala pynkylla haka ktien Khasi.
U la iathuh ba ha u snem 2023, ka tnat kala pyntreikam iaka Early Child Development Mission (ECDM) ban iatreilang bad ki kmie ki kpa ha ka ban kyntiew iaka bha ka miat ki khunlung khynnah naduh 0 haduh 8 snem.
“Ka jingdon ka ECDM, ka Sorkar kan iarap iaki kmie ki kpa ban sumar bad prat lynti kumno ban kyntiew iaka bha ka miat ki khunlung khynnah, ban iada iaki khun naka jingshong kha khynnah hadien habud” u la ong.
