Shillong, Jylliew 17 : Ka kynhun Special Investigation Team (SIT) ki pulit ka Meghalaya, ha ka Sngi Baar, kala leit ialam ia ka Sonam Raghuvanshi lem bad ki 3 ngut ki paralok jong ka, sha Sohra, ban pynwan dur biang ia ka rukom pyniap ia u Raja Raghuvanshi, kaba la jia ha ka 23 tarik Jymmang.
Kine ki 3 ngut ki kynthup ia u Akash Rajput, Vishal Singh Chauhan bad u Anand Kurmi, kiba dei ki briew kiba la buddien ia ka Raja bad ka Sonam naduh na Guwahati shaduh Nongriat.
Ia kine ki suba nongpyniap briew la ialam sha Sohra hapdeng ka jingpahara kaba jur bha bad la iohi ruh ba ki Pulit kila syrtap ia ka thain Mawlakhiat bad ki jaka ba marjan ka Kshaid Wei Sawdong bad ker kut ruh ia ka jaka ba shah pyniap u Raja ban pynwandur biang ia kaei kaba la jia ia une u Nongwan Leh honeymoon na Indore.
Ka Kynhun SIT kala ialam nyngkong eh ia kine ki 4 ngut sha Mawlakhiat, ka shnong kaba don ha lynti ban leit sha Nongriat, ka jaka kaba u Raja bad ka Sonam kila leit sahmiet ha kawei ka homestay bala tip kum ka Shipara Homestay. Hangne ka kynhun kala pynlong ia ka jingtohkit bad nangne pat, kala ialam sa sha ka jaka pynieng kali ha Kshaid Wei Sawdong ban pynwandur ia ki sabut bala ioh lum, ha ka jingpyniap ia u Raja Raghuvanshi.
Ka kynhun SIT kala phah kdew bad batai bniah ruh kumno kine ki runar kila pyniap ia u Raja bad kaei kaba kila leh pat ia ka met jong u Raja hadien ba kila dep pyniap. Ka SIT kala bthah ruh ba kin batai ba kumno kila mih ne phet noh na katei ka jaka ban wan phai sha Shillong.
 ki pulit ka Meghalaya, ha ka Sngi Baar, kala leit ialam ia ka Sonam Raghuvanshi lem bad ki 3 ngut ki paralok jong ka, sha Sohra, ban pynwan dur biang ia ka rukom pyniap ia u Raja Raghuvanshi, kaba la jia ha ka 23 tarik Jymmang.){kind=link}