Nongpoh, Iaiong 09: Ki paid nongpang bad nongap pang jong ka North East Cancer Hospital, 11 mer, Jorabat kila her mynsiem hynnin ka miet shiteng synnia namar ka jingkem ding bad pluh kynsan kynsan jong u transformer uba don ha kyrpong jong ka hospital.
Kat ka jingioh khubor, kane ka jingjia kala por ha ka por 12 baje shiteng miet bad ki riew paidbah haba iohi ia kane ka jingjia, kila pyntip mar mar sha ki bor pulit pynlip ding ka Guwahati, kiba la poi mar mar sha kane ka jaka ban tem ia ka ding.
Ka jingiakhun ia kane ka ding kala neh katto katne por bad da ka jingwan poi bun ki kali pynlip ding,la lah ban tem noh ia kane ka ding kaba shyrkhei.
Kat haduh ba thoh ia ka khubor, ym pat lah satia ban tip ia ki daw jong kane ka jingplih hynrei na ka liang jong ki Pulit ka Jorabat Police Outpost kila pynlong ia ka jingtohkit ban lapksai.
