Shillong, Risaw 13 : Katba ka Shillong ka dang pynkhreh ia ka jingleit pynngam um ia ka Blei Puja, ka Nongbah kala sakhi ia ka jingpluh ding kaba la ishyrkhei ha Khyndailad, Police Bazaar hynne ka step sngi U Blei.
Kane ka jingpluh ding kala jia hapoh ka OB Shopping Mall ha Khyndailad. La iathuh ba kane ka jingpluh kala jia ha ka por 6:30-7 baje eiei hynne ka step.
Watla ka ding kaba mih na kane ka mall kala ishyrkhei bha, hynrei u SP ka Fire & Emergency Service, Shillong, ula pyntip ba ka jingpluh ka dei kaba dang rit bad la lah ban tehlakam mardor ia ka ding.
U pyntip ba ia mynta u dang ap ban ioh ia ka khubor kaba kham bniah.
Kat kum ka khubor ba ioh lum, la suba jur ba kane ka ding kala sdang na kawei na ki kamra jong ka Hotel Roi-Ki kaba don ha ka mala kaba halor duh jong ka OB Shopping Mall.
