Shillong, Jymmang 15: U Myntri ka Ports, Shillong and Waterways bad Ayush, Sarbananda Sonowal hynne ka sngi Nyngkong, ula plie paidbah ia ki hynriew tylli ki building bala tei shibynta jong ka Project-II ka North Eastern Institute of Ayurveda & Homoeopathy (NEIAH) ban pynkhlain ia ka jingshakri.
Ka jinglut jingsep haba tei ia kine ki building ba thymmai kala kot ia T. 60.16 klur. Ha kane ka jingtei yn don kiBoyrs hostel ba ngiam haduh 104 ngut, ka girls hostel ba 104 ngut, 8 tylli ki quarter Type-III, 6 tylli kiquater Type IVA, 7 tylli ki Type IVA cum Director Residence, 25 tylli ki Resident Hostel, bad ka guest house ba 19 kamra bad 2 tylli ki suite.
Haba kren ha ka jingialang, u Myntri ula ong “Ka long kaba kmen eh ia nga ba ngi la ioh ban plie ia kine ki hynriew tylli ki builsing ha Shillong. Kane kan nang pynkhlain ia ka jingtreikam kane ka Institute ka ban sa nang kyntiew ia ka rukom ai jingsumar da ki dawai kynbat ha ka thain”.
“Hapoh ka jingialam u Myntri Rangbah Duh ba iohi jngai Narendra Modi, ngi la shim ia ka sienjam ban pynlong ia ki jingwad bniah ia ki dawai kynbat kaba la leh kumjuh bad ki dawai ka juk. Ka jingkynshew ka Sorkar ha kine ki jingtei ba thymmai kan nang pynkhlain ia ka jingpyrshang jong ngi ban pynkhie im ia ka rukom sumar da ki dawai kynbat hapoh kane ka thain jong ka Ri” ula ong.
Ka NEIAH kala sakhi ia ka jingnang bun ki nongwan shim dawai katba nang iaid ki sngi namar ba bun ki briew kila ioh mad ia u soh na kane ka hospital. Ha u sne 2022-2023, ka hospital kala iohi ia ka jing don haduh 52,088 ngut ki nongwan shim dawai ha ki OPD katba 504 ngut la sumar ha ki IPD ba kin ioh ia ka jingkoit.
Ha ka Ayurbeda, ka NEIAH kala iohi ia ka jingwan shim dawai haduh 36,683 ngut ki nongpang lyngba ki OPD clinic bad kumjuh ruh haduh 482 ngut kiba la shah sumar ha ki IPD jong ka University. Ha ka Homoeopathy, ka jingdon kiba wan shim dawai ha ki OPD kala kot 19,397 ngut katba 22 ngut kila shah sumar ha ki IPD.
Ha kane ka jingialang la wan iashimbynta ruh da i symbud kongsan Dr Ampareen Lyngdoh Myntri ka koit ka khiah ka Jylla, u Myntri ka Tnad Animal Husbandry Bah A.L.Hek, Vice Chancellor ka NEHU Prof Prabha Shankar Shukla, Director ka NEIGRIHMS Prof (Dr) Nalin Mejta, bad ka Director ka NEIAH Dr Neeta Mahesekar.
