Shillong, Nohprah 15: U Myntri ka tnat C&RD block bah Hamletson Dohling, hynne ka sngi palei, u la plie paidbah iaka ka surok shnong Baniun Block 1. Kaba la pyntei naka Tnad PWD Shillong South Division.
Haba kren ha kane ka sngi, u Bah Hamlet uba dei ruh u MLA ka thain, ula pyntip ba ia kane ka surok la shna ha ka jingmang pisa ba kot T. 68.47 lak.
Une u MLA ula pynpaw ba da ka jingplie ia kane ka surok ba paka, kan pynsuk shikatdei eh ia ki nongshongshnong ha kiba bun ki liang.
Naka liang ki nongshong shnong ki la pynpaw ia ka jingkmen bad ki la iaroh ruh ia u nongmihkhmat uba la trei shitom bad uba la sngap ia ka jingeh kiba ki nongshong shnong.
“Ngim poi pyrkhat ban ioh ia kaba kum kane ka surok namar kane ka surok ka la pynsuk eh ia ngi khamtam ha ka por ba pang ba shitom” la ong kawei ka longkmie.
Ha kane ka sngi la sakhi lang ia kane ka jingplie da u Secretary Shnong ka Baniun, u bah Andrew Jala, ki rangbah dong ka Block 1 bad ki longkmie ka shnong Baniun.
