Shillong, Nohprah 13 : U Myntri Sorkar bad MLA ka Mylliem,Bah Hamletson Dohling, hynne ka sngi ba-ar ula plie ia ka Iingskul ba tei pynheh jong ka Nongpiur Govt LP bala pyntrei ha ka jinglut kaba kot T. 40 lak.
Ia kane ka Iingskul ba thymmai la pynioh da u MLA lyngba ka skhim na ka tnad Pule Puthi.
La plie ia kane ka Iingskul ha ka jingiadonlang u Bah P.Warlarpih, President ka School Managing Committee, Bah B.Dkhar Rangbah Shnong ka Nongpiur nalor ki Nongpyniaid ia ka skul,ki Nonghikai, ki Khynnah Skul bad ki Kmie Kpa.
U Bah Hamletson Dohling, haba ai jingkren, u la iaroh ia ki nongpyniaid ka skul bad ia ki nonghikai kiba la aiti lut ïalade met bad mynsiem ban ai ka jingshakri ia ki khynnah pule bad kumjuh ban kyntiew ia ka pule puthi jong ki khynnah ka shnong bad thain Nongpiur baroh kawei.
U Bah Hamlet u pyntip ba ha kine ki san snem duna, kum u Nongmihkhmat ula lah ban wanrah haduh T.3.83 lak ka skhim na ka Tnad Pule Puthi ban iarap bad kyntiew ia ki Iingskul hapoh ka Mylliem Constituency.
