Shillong, Nailar 18 : U Myntri ka Sorkar Pdeng ba khmih ia ka Rural Development bad Panchayati Raj Giriraj Singh ha ka jingiadonlang u Myntri Rangbah ka Jylla Conrad K Sangma, ha ka sngi Thohdieng, ula plie paidbah ia ka Meghalaya Pineapple Fest-2023 (tamasa iew sohtrun) ba la pynlong da ka Sorkar Meghalaya ha Dilli Haat, INA, New Delhi.
Kane ka tamasa ka long ruh kum ka dak ban rakhe ia ka jinglah pynmih ka Meghalaya ia u sohtrun uba thiang bad ba heh tam.
Kiba la iadonlang ha kane ka tamasa ki kynthup ia ka Myntri kam rep Kong Ampareen Lyngdoh, u Myntri kam jngohkai Bah Paul Lyngdoh bad ki Heh Ophisar ka Sorkar Jylla.
Haba kren ha ka jingialang plie, u Giriraj Singh ula pynpaw ia ka jingsnewnguh ia ka sienjam bala shim da ka Sorkar Meghalaya ban pynlong ia kane ka tamasa, Ula ong “Kane ka dei ka sienjam kaba biangeh ha kaban kyntiew ia ki rukom rep kaba kynsai, ban iatreilang hapdeng ki Jylla bad ban kyntiew ia ka kamai jakpoh jong ki Nongrep”.
U Giriraj ula ong ba ki tamasa ba kum kine ki pynshlur ia ngi ban wad ia ki lad ki lynti kiba don hapoh ki Jylla ka Ri, ban ioh jinghikai ia ka rukom rep jong ki, bad ban bud nuksa ia ki na ka bynta ka jingmyntoi jong baroh.
Ula ong ba u sohtrun ka Jylla Meghalaya u dei uba la bna nam bha halor ka jingthiang bad ka jingmet bha.
Haba ai jingkren, u Myntri Rangbah ka Jylla Conrad K Sangma ula ong “Kane ka tamasa ka dei ka khyllipmat ba donkam bha ha ka jingiaid lynti jong ngi ban pyni nam ia ka spah ka Meghalaya ha ka riti ka dustur, ka rep ka riang bad ka jingatylli”.
“Ka tamasa Meghalaya Pineapple Fest kam kut tang ha ka jingrakhe ia ka jinglah pynmih ka Jylla ia u soh ba thiang tam hynrei ka dei ka rynsan ban iasam ia ka jingriewspah ka riti dustur jongngi, ki buit ha ka kam rep kam riang bad ka jingiatylli kaba tehsong ia ki briew jong ngi” ula ong.
U Conrad ula ong “U sohtrun jong ngi um dei satia tang u soh, hynrei u dei u sakhi ia ka jingsboh ka khyndew jong ngi, ka jingaiti ki nongrep ha ka kam bad ka nam ba ka Meghalaya ka don”.
“Haba ngi ialum lang hangne ha New Delhi, jngai na ki jaka lum bad ki jaka pynngad ka Meghalaya, ngi wanrah hangne ia ki lyngkhot jong ka Ri jong ngi ban sam jingtip sha ka pyrthei” ula ong.
“Nga sngew sarong ban iathuh ia phi ba da ka jingshimkhia lang jong ka Sorkar Meghalara bad ki kynhun ba iadonbynta lang, ia u sohtrun ka Meghalaya la die ha kylleng ki mall ha Dubai, Kuwait bad Sharjah. Ban pynkhlain ia ka jingpynmih ia u sohtrun, ka srkar kala buh ia ka mobile processing unit ha Umdihhar IVSC, ha Shnong Umdihar” ula bynrap.
U Myntri Rangbah ula ong ba u sohtrun ka Meghalaya ula bna nam halor ka jingbun ka shino (brix value ba 16-18) bad ba duna ka jingjew.
After growing its fame in the Middle East, Meghalaya’s Pineapples make a striking display at the Pineapple Festival at Dilli Haat, New Delhi.
We are glad to have Hon’ble Union Minister for Rural Development, Sh. @girirajsinghbjp ji with us. The premium quality of Meghalaya’s… pic.twitter.com/MKSHVj81nR
— Conrad K Sangma (@SangmaConrad) August 18, 2023
“Ia u sohtun hapoh ka Jylla la rep khlem ka jingkhlem dawai sboh ne dawai pyniap khniang, kaba la pynlong ia une u soh ban iaid iew bha sha ki iew hapoh ka Ri bad shabar ri kumjuh” ula ong.
Pule ruh: Bat bad beh ka HNYF bad JPWO ia ki Nongbylla bar jylla ka Dhar Company na WJH
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
 ba la pynlong da ka Sorkar Meghalaya ha Dilli Haat, INA, New Delhi.){kind=link}