Shillong, Nohprah 04: Ka North Eastern Police Academy hynne ka Lah sngi u Blei, kala plie ia ka 53rd Basic Course jong ki pulit Deputy Superintendent of Police bad Sub Inspectors ha ka jingialang kaba la long jha NEPA, Umsaw, Ri Bhoi District.
Haba kren haka jingialang u Symbud Myntri Rangbah ka jylla u Bah Prestone Tynsong kum u Kongsan ula plie ia kane ka Bsic Course bad ula banjur ba ka long kaba kongsan ba ki pulit kin ioh ia ki jnghikai pyntbit khnang ba kin lah ban pynneh iaka shongsuk shongsaiñ.
Ula ong ba u dap da ka jingsngewsih ban iohi ba ki bor pulit kin shah kynthoh wat haba ki trei shitom ia ka kamram kaba la bynshet ha ki bad kila buh shwa sharud ia la ka iing ka sem tang na ka bynta ban shakri ia ka ri. Ula ai mynsiem ia ki ophisar kiba don hapoh ka Training ba kim dei ban duh jingkyrmen hynrei ba kin bteng trei shitom ha kaba shakri ia ka ri.
Nalor kane, ula kyntu ruh ia kine ki ophisar ba kidei ban long kiba don akor bad ba kin kyntiew ruh iaka bor jong ka jingmut jingpyrkhat bad ba kin leh bha haka training ka jongki.
U Symbud Myntri Rangbah ula iaroh ruh ia ka NEPA khamtam haba dang shen kala ioh ia ka jingiathuh “UTKRISHT” na ka CBC bad NABET bad ula iaroh ruh ia u Director jongka Academy bad ia baroh kiba trei ha kane ka Academy.
Ula banjur iakaj ingdonkam ban tip bha iaka aiñ ka kanun bad kumjuh ruh ban don iaka jingiadei kaba iajan bad ki paidbah ha ka kam shakri paidbah bad ula ai mynsiem ia kine ki samla ba kin sdang nalade ban wanrah ia ka jingkylla bad ban ioh ruh ia ka jinghikai na ka Academy kaba long kaba bha tam hapoh ka ri.
Ha katei ka jingialang la iadonlang u Director General of Police ka Meghalaya u Dr L.R. Bishnoi, u Director jongka NEPA u Anurag Agarwal, ki heh pulit bad ki heh ophisar sorkar bad kiwei kiwei.
U Anurag Agarwal ula ai mynsiem ia ki samla kiba ioh jinghikai ba kin treishitom ba kin long ki ophisar pulit kiba tbit ha kaban shakri ia ka ri.
Katba u Course Director jong ka 53rd Basic Course Dr. M.L Zou Assistant Director (Lecturer) ula ai ka jingbatai shaphang kane ka kynhun kaban ioh jinghikai kaba long baroh 95 ngut kaba kynthup na Meghalaya (SI=39, DySP=06), Manipur (SI=08, DySP=14), Assam (SI=15) bad Nagaland (SI=04, DySP=09).
Kitei kiban ioh jinghikai ki kynthup 26 ngut ki kynthei bad 69 ngut ki shynrang.
