Plie u CM ia ka Ophis treikam ka Prime Hub jong ka Cooperative Society

Date:

Share post:

Shillong, Nohprah 01: U Myntri Rangbah ka jylla uConrad K Sangma hynne ka sngi u la plie paidbah iaka ophis treikam ka Prime Hub jong ka All Garo Hills Multipurpose Cooperative Society (AGHMCS) Ltd ha Babadam kaba hap hapoh ka Rongram C&RD Block.

Ia kane ka Ophis la plie haka jingdon lang u nongaibuit Thomas A Sangma, u Secretary ka AGHMCS bad Director ka Bakdil NGO u Fr. Sunny Mavellil, u BDO ka Rongram u MR Marak, Parish Priests, ki Nokmas bad kiwei kiwei de.

Haba kren ha kane ka sngi u Conrad u la iaroh ia u Fr. Sunny Mavellil u ba la lamkhmat ban seng iaka AGHMCS naka bynta ban kyntiew iaki nongrep ka thain Garo Hills bad u la iaroh ruh ia ki ba pyntrei ia kane ka ophis namar ia kane ka ophis la pyndep tang hapoh shi snem naduh ba la buh ia u maw nongrim haka 20 tarik u bna Nohprah 2021.

U Conrad u la ong ba ka la donkam iaka thain Garo Hills ban don da ki Cooperative Movement naka bynta ban iatreilang ban kyntiew iaka thain bad ban kyntiew iaka ioh ka kot ki nongrep bad ki paidbah ka Garo Hills baroh kawei.

U la ong ba ka sorkar jylla lyngba ka FOCUS bad ka FOCUS Plus ka ialeh ban iarap iaki nongrep da ka song pisa ne da kiwei ki lad jingiarap ban kyntiew iaka ioh ka kot ki nongrep bad kumjuh ruh ban kyntiew iaka jinglah ki nongrep ban pynmih iaki mar rep jong ki.

Naka liang u nong ai buit u Myntri Rangbah u Thomas A Sangma u la ong ba ka jingdon ka ophis jong ka AGHMCS ka pyni ba ka thain Garo Hills kala sdang kiew shakhmat ha ki bun bynta namar lyngba kane ka ophis ki nongrep ki lah ban don lang ha kawei ka shatri jong ka AGHMCS ban ia kyntiew iala ki jong lyngba ki lad jingiarap ba ka sorkar ka don ban sam sha ki paidbah.

U Fr. Sunny Mavellil u la iathuh ba iaka ophis AGHMCS la tei haka jinglut kaba , T. 3.30 klur bad ka sorkar kala mang ruh sa T. 3.65 klur ban wanrah ki Processing Units naka bynta u sying, sohmarit, cashew bad kiwei kiwei de.

Ha kane ka sngi u Myntri Rangbah u la sam ruh ka song pisa sha ki Producer Groups jong ka thain Garo Hills lyngba ka skhim FOCUS.

Share post:

spot_img

Popular

More like this
Related

Thalain ka SPC ia u President ka VPP ba kynthoh ia ka burom ka ijot ki Nongthoh khubor ka Jylla

Shillong, Lber 28 : Ka Shillong Press Club (SPC)...

Pynjari 144 CrPC u SDM ha Sohra Sub Division namar ka jingshah pyniap ki bar jylla ha Ichamati

Shillong, Lber 28: U Sub Divisional Magistrate ka Sohra...

Sohra admin promulgates section 144 CrPC following Ichamati twin murder case

SHILLONG, MAR 28: The Sub Divisional Magistra of Sohra...

Shillong Premier League | Pynliem ka Mawlai ia ka Langsning da 1 kol

Shillong, Lber 28: Ka Mawlai SC kaba la long...