Shillong, Nailar 19 : Ka Dorbar Shnong Umshing-Mawkynroh kala jam sha uwei u mawmer da ka jingplie paidbah ia ka Community Hall ba thymmai da u Myntri Rangbah ka Jylla Conrad K Sangma.
Ha kane ka jingialang la iadonlang ki nongialam ka Shnong, ki nongshongshnong bad ki khynnah skul na ka St.Luke bad ka Grace Academy.
Haba ai jingkren, u Myntri Rangbah ula pynpaw ia ka jingsngewnguh halor ka jingpdiang burom ia u bad iaroh ia ka shnong namar ka sienjam ban pynlong ia ka project kaba seisoh. Ula kren halor ka bynta jong ka Chief Ministry’s Special Development Fund (CMSDF) ban kyrshan ia ki jaka pule bad ki shnong ki thaw hapoh ka Jylla.
U Myntri Rangbah ula kular ruh ban nang bteng ha kaban ai jingkyrshan ia ki samla ka shnong kynthup ka jingai ia ki tiar ialehkai, ki tiar put tiar tem bad ki jingai jinghikai na ka bynta ki nongseng kam bad ki nongrep.
U Myntri Rangbah ula pynshlur ruh ia ka shnong ba kan pynlong ia ka hall kum ka jaka pdeng jong ki kam ban tei bad ba don jingmut, haba pynthikna ba ki samla ki ioh ia ki kabu ba kin kiew, ki long kiba donsap bad ban tei ia ka sap ba ki don.
Ia kane ka sngi la pynshong kun da ka jingshim bynta jong ki khynnah ka St.Luke bad Grace Academy ban rwai ia ka jingrwai “Ri Lum” kaba la ioh ia ka jingiaroh bad ka jingthapkti kaba jam na ki paidbah.
