Shillong, Nailar 12 : U Myntri Rangbah ka Jylla Conrad K Sangma ha ka sngi Ba-ar, ula plie paidbah ia ka Block Integrated Development Complex (BIDC) ha Mairang C&RD Block bad ki shnat ai jingsumar bapher bapher kum ka jingkyntiew kyrdan ia ka Tirot Sing Memorial Hospital, Mairang, Eastern West Khasi Hills.
Kine ki shnat ai jingsumar ki kynthup ia ka Sick New Born Care Unit (SNCU), Paediatric Intensive Care Unit (PICU), Adult Intensive Care Unit (AICU), bad High Dependency Unit (HDU)—kiba la pynwandur ban pynkhlain ia ki lad ai jingsumar ha ka thain khnang ba ki nongpang kin ym donkam shuh ban leit shajngai ban ioh jingsumar.
Haba ai jingkren ha ka jingialang, u Myntri Rangbah ula pynthikna biang ia ka jingkut jingmut jong ka Sorkar ban wanrah shajan u paidbah ia ki jingshakri ba kongsan bad ban pynthikna ia ka jingai kam pynroi ba biang tarajur sha baroh ki District.
Ula pynpaw ba kine ki kam bala leh da ka Sorkar ki dei shibynta na ki lad treikam ban pynjanai ia ka jingshakri paidbah, kyntiew kyrdan ia ki jaka sumar bad kyntiew ia ka roi ka par ba biang tarajur.
U Conrad ula iathuh ruh ia shibun ki jingkynshew ba heh bala wanrha ha kine ki hynniew snem bala leit noh bad pynbna ruh ia ki jingthmu ban tei noh ia ka Ophis u DC ba thymmai ha Mairang, ki District Convention Centre, ka jingpynbiang iaki street light, ka Shillong Secretariat ha Mawdiangdiang, ka jingkyrshan ia ki Hima kum ka Hima Nongkhlaw, ki lad pynroi ki kam jngohkai lyngba ka CM Elevate bad ka jingpyniar ia ka PMAY (Awas Plus) ban kynthup ia 2.8 lak ngut ki nongioh jingmyntoi ba thymmai.
Ha kajuh ka por, ka Myntri ka koit ka khiah Kong Ampareen Lyngdoh kala iaroh ia une u mawmer ha ka jingpynkylla dur ia ki jaka ai jingsumar bad ai khublei ia ki kynhun nongsumar halor ka jingaiti jong ki ha ka kam.
Kiwei pat kiba la ai jingkren ki kynthup ia u MLA ka Mairang Bah Metbah Lyngdoh, u Myntri ka Tnad C&RD Abu Taher Mondal, u Myntri Sorkar Bah Shakliar Warjri bad kiwei kiwei.
 ha Mairang C&RD Block bad ki shnat ai jingsumar bapher bapher kum ka jingkyntiew kyrdan ia ka Tirot Sing Memorial Hospital, Mairang, Eastern West Khasi Hills.){kind=link}