Adokgre, Naiwieng 15 : U Myntri Rangbah ka Jylla hynne ka sngi ba-ar, ula plie ia ka Adokgre C&RD Block ha North Garo Hills ha ka jingiadon ryngkat ki MLA ba kynthup ia u Rupert Momin bad u Pongseng Marak.
Adokgre gets its New C&RD Block today!
Fondly called ‘Chenanggre’ or ‘Land of Victory’ by my Father (L) P A Sangma, Adokgre holds a very special place in my heart.
Happy to inaugurate the Adokgre C&RD Block in line with our people’s aspirations@narendramodi @girirajsinghbjp pic.twitter.com/l03Rj7O4up
— Conrad Sangma (@SangmaConrad) November 15, 2022
Ka Adokgre Block ka dei kaba phiah na ka Kharkutta Block, kawei na ki Block bala rim tam ha ka Jylla, kaba kdup ia 178 tylli ki Shnong. Kane ka Block ba thymmai ka kdup ia 43 tylli ki Shnong ha ka thain, kaba don ia kumba 10000 tylli ki longiing.
Haba plie ia kane ka Block, u Myntri Rangbah ka Jylla ula ong “ U PA Sangma ula don ka jingiadei ba iajan bha bad ki paidbah ka Adokgre. U (Purno) ju iathuh ia nga halor ki jingthmu ban kyntieew ia ka jingim jong ki paidbah ka thain. Nga sngew kmen bha ba nga la lah ban pynurlong ia ka jingdawa bala slem bha jong ka Adokgre. Ka jingpynkha ia kane ka Block ba thymmai kan plie lynti ia ki paidbah ba kin ioh shibun ki jingmyntoi na ka Sorkar”.
U Myntri Rangbah ula pyntip ba ha u snem 2018, ka Sorkar kala pyrshang ban wanrah ia ki jingtei kiba kongsan na ka bynta ki paidbah da kaba buh hakhmat eh ban wanrah ruh ia ki lad pyniasoh kiba biang ha ki jaka nongkyndong jong ka Jylla.
“Ngi la phai khmat bha ban pynbha iaki surok ba pyniasoh sha ki jaka nongkyndong bad ngi la wanrah ia shibun ki project ha kylleng ki jaka ka Jylla. Ka suruk na Adokgre sha Mangsang ha kane ka thain, ka dei ka nuksa ia kane ka jingkut jingmut jongka Sorkar. Ka kam kala sdang ban iaid mynta bad yn sa lah pyndep noh shen ia ka” ong u Conrad.
Haba kren halor u Kpa bad u Lamphang ka Iingdorbar Lok Sabha bad Myntri Rangbah barim ka Jylla u P A.Sangma, u Conrad ula ong “Kawei na ki jingangnud jong u ka long ban don ia ka Stadium ha Adokgre. Nga kmen palat ba ka Chenanggre Stadium ha Adokgre kala iaid ha ka jingpyntrei bad shen yn sa pyndep noh ia ka”.
U Myntri Rangbah ula pyntip ruh ha ka jingialang ba ka Sorkar kala wanrah ia ka jingshakri jong ka Sorkar shajan jong u paidbah da kaba pynkha ia ki C&RD block bad ki Sub Division,
Ha kane ka jingleit iuhkjat ha Adokgre, u Myntri Rangbah ula plie ruh ia ka ophis treikam ba shipor jong kane ka Block ba thymmai.
