Ampati, Nohprah 10 : U Myntri Rangbah ka jylla u Conrad K. Sangma bad u Chief Justice ka Meghalaya High Court u Sanjib Banerjee hynne ka sngi kila plie iaka District and Session Court Complex ha Ampati, South West Garo Hills ha kaba la iadonlang ki MLA kiba kynthup iaka Dikkanchi D Shira bad u Winnerson D Sangma.
The Ampati District & Sessions Court was operating from a temporary building from 2017 and the new District & Sessions Court Complex will further its proactive functioning & ensure access to justice for all sections of the community. pic.twitter.com/FN8SawOFkb
— Conrad Sangma (@SangmaConrad) December 10, 2022
Haba kren ha ka jingialang u Myntri Conrad ula ong ba kane ka jingtei kaba thymmai kan ai jingmyntoi ia ki paidbah ka thain.
“Ki paidbah ka South West Garo Hills kin iai kynmaw ia kane ka sngi bad ia kane ka khyllipmat ka ban ai iaka jingbishar kaba hok” ong u Conrad.
“Ka riti synshar jong ka ri kala kdew shai iaki kamram jong ki tnad bapher bapher, la kadei ka Legislative, Executive ne Judiciary bad ngi baroh ngi don hangne ban shakri ia ki paidbah ha ki liang bapher bapher. U Chief Justice u don ia la ka jong ka bynta bad ka jingkitkhlieh ban leh kumjuh ruh u Myntri Rangbah ka jylla” ong u Conrad.
U la ong, ka India kadei ka ri kaba heh kaba don iaki aiñ shnong bad ki aiñ tynrai bad ki iingkashari ki treikam bad ki iaid ryntih lang.
“Ki iingkashari ki nang iar bad kila nang roi ban ai ka jingbishar kaba hok ia ki paidbah ha baroh ki liang. Ngi kyrmen ba da ka jingdon iaki jingtei kiba thymmai kan iarap ia ki iingkashari ba kin treikam kham bha shuh shuh bad ban lah ban ai kloi ia ka jingbishar” ong u Myntri Rangbah.
Ula iathuh, ba shen yn sa tei iaka Law University ha ka jylla kaban ai jingshakri ia ki samla pule ka jylla.
Hadien kane, u Myntri Rangbah bad u Chief Justice kila leit ruh ban jurip iaka jingshna iaka jingtei kaba thymmai.
