Nongstoiñ, Ïaiong 25: Nongstoiñ Social Service Society,hynne ka sngi Ba-ar kala rakhe ia u snem kyrpang jong u ‘Krai’ bad plie paidbah ia ka Project ‘Facilitating Agricultural Resilient Measures (FARM) Northeast IV.
Ia kane ka jingrakhe bad jingplie ia ka FARM Northeast la pynlong ha ka Hall jong ka Nongstoin Social Service Society, Tiewsaw bad la pynshongkun da ka jingiadon ryngkat u Most Rev Wilbert Marwein, Bishop ka Nongstoin Discese kum u Kongsan ha ka jingiadonlang u Bah V Swer Addl DC ka West Khasi Hills bad kiwei kiwie.
Lah ban kdew hangne ba ka Ka ‘Facilitating Agricultural Resilient Measures (FARM) Northeast IV, ka dei kaba la kyrshan da ka Misereor Germany lyngba ka Caritas India.
Ha katei ka sngi la hikai ruh sha ki nongrep ba kin tip kumno ban tyngkai ïa u ‘Krai’. La ong ba utei u jingthung u dei uwei na ki jingbam u ba kynsai tam na ka bynta u khun bynriew, khamtam eh ïa ka koit ka khiah namar u ïarap shibun ïa kiba pang shini, kiba don blood pressure bad kiwei kiwei.
Kum ka dak jong ka jingrakhe ïa katei ka sngi kyrpang u kongsan u la ïoh ruh ban ot ïa u cake ba la shet da u Krai.
