Plie u Bah Prestone їa u mawnongrim jong ki surok ha Mawshynrut Sub Division

Date:

Share post:

Nongstoiñ, Nohprah 6: U bah Prestone Tynsong, Symbud Myntri Rangbah ka jylla mynta ka sngi hatmajai, u la hiar sha Riangdo ban plie їa u mawnongrim jong ki surok kiba la dep trei bad ki bym pat pyntrei kiba hap ha ka Mawshynrut PWD Division.

Ha kane ka sngi la pynlong їa ka jingїalang plie їa utei u mawnongrim ha madan phutbol jong ka shnong Riangdo, ha kaba la їadonlang da u bah Gigur Myrthong MLA ka Mawshynrut, u bah Macmilan Byrsat MLA ka Nongstoiñ, ki ophisar na ki tnad treikam jong ka sorkar kiba dei na Nongstoiñ bad mawshynrut, ki rangbah shnong bad ki paitbah.

U bah Prestone Tynsong hadien ba u la plie їa u maw nongrim, u la ong ba ka jingshah kynthoh jong ka sorkar MDA ba la їalam da ka NPP ha kine ki sngi ka jur bha, namar ba kitei ki nongkynthoh kim shym lah ban leh ei ei ha ka por ba ki don ha ka sorkar.

U la ong ruh ba naduh u snem 2003 u la long nongmihkhmat bad u la lap ba kane ka san snem kaba mynta, ka dei ka snem kaba jynjar tam bad kaba sniew bok tam na ki sorkar baroh. U la pynkynmaw ba ha u snem 2018 naduh ba kane ka sorkar MDA ka la shimti їa ka jingsynshar, ka jingktah kaba nyngkong eh ka dei ka them Metor, sa ka jingjia ha Ichamati, ka CAB kaba la kylla CAA, ka khlam covid 19 bad kiwei.

U symbud Myntri Rangbah u la kyntu ruh їa ki paitbah khamtam їa ki kmie ki kpa bad ki khynnah samla, ba kim dei ban shah їalam bakla ha ki social media kiba pynphriang їa ki khubor ki bym shisha. Hynrei ki dei ban sngewthuh bad pynshong nongrim їa kaei kaba dei bad kaei kaba lait.

Hadien ba la plie їa u mawnongrim u bah Prestone Tynsong u la leit ban plie ruh їa ka ophis jong u Executive Engineer jong ka PWD Mawshynrut Divission kaba don ha Riangdo.

Share post:

spot_img

Popular

More like this
Related

Shah ujor u heh ophisar Army ba leh khlem akor ia ka kurim u Colonel

Shillong, Lber 14: Uwei u heh ophisar shipai jongka...

Thoh ka Sorkar sha ka KSU | Kular ban iasyllok ia baroh ki kynhun haba thaw Rule jong ka MISPF

Shillong, Lber 14 : Ka Sorkar Jylla kala kular...

Kular u CM ban leh tyngeh lada ujor ba maramot torti ia ka surok NH-6

Shillong, Lber 14: U Myntri Rangbah ka Jylla Conrad...

Shillong Cricket Association wins U-15 Girls Inter-District Tournament 2025

Shillong, March 13: The Shillong Cricket Association (SCA) clinched...