Shillong, Naiwieng 15: U Additional Superintendent of Police (Traffic) ka East Khasi Hills bah Ian Onel Swer hynne ka sngi ba-ar u la plie paidbah ia ka jaka ieng kali (Parking Lot) jong ki kali ar shaka bad saw shaka harud ka surok hajan ka topsaw bad ha syndah ka kynroh jong ka Christian Academy Higher Secondary School.
Ha kane ka sngi la sakhi lang da u Rangbah Shnong ka Wahingdoh u bah Ronjit Marbaniang, ki Pulit ka tnat pyniaid kali jong ka Lumdiengjri Police Station, ka President jong ka Seng Kynthei ka kong Niloufer Laloo, u President jong ka Seng Samla u bah Anthony E.S Lyngdoh bad kiwei kiwei.
Haba kren ha kane ka sngi u bah Ian Onel Swer u la ai khublei ia ka shong Wahingdoh kaba la ia trei lang ban kit khlieh ia ka jingdheng kali bad ula ong kane ka shnong kala donkam ban ioh ia ki nongpyniaid kali lane ki Traffic Volunteers namar lada don ka jingsah kut ki kali hapoh kane ka shnong kan ktah shaduh Jaiaw, Mawkhar bad terter wat shaduh sha Motphran.
Naka liang ka dorbar Shnong Wahingdoh ka la pynpaw ia ka jingsngewkmen ia ka jingshimkhia jong ka ophis ka Deputy Commissioner (DC) bad kumjuh ruh ia ki Pulit ka tnat pyniaid kali jong ka Shillong Sadar Police Station bad ka Lumdiengjri Police Station kiba ju don bynta ban khmih ia ka jingiaid beit iaid ryntih jong ki kali.
U Rangbah ka shong Wahingdoh u Babu Don u la ong ba kane ka jingbuh ia ki Volunteer bad pyniaid kali kam dei ba kamai pisa ne pynmih pisa ia ka shong, hynrei ka long na ka bynta ba kan ym don ka jingpynthud ia kiba iaid lynti khamtam ia ki khynnah skul.
