Shillong, Naiwieng 07: Ka Cherrry Bean Café kaba don ha Khyndailad, ka dohnud jong ka nongbah Shillong kala plie ia ka jingkhang ia ki briew ka Nongbah kiba sngewtynnad ban mad ia ki jingbam kiba phylla bad ba shet bang.
Ka Cherrry Bean Cafe kadei kaba longtrai da u Agnish Paul, bad ia kane ka dukan bam la plie paidbah da u kynum uba dei u aktor ba pawnam ka Bollywood u Rajkummar Rao.
Une u aktor ka Bollywood u dei uba iashongkha bad ka Patraleka Paul, kaba dei nangne na Nongbah Shillong.
U Rao ula pynpaw iaka jingkmen ban iadon ryngkat haka jingplie ia kane ka Café kaba thymmai bad ia ki jingbam jingdih kiba lah ban ioh na kane ka Café.
Ula ong ba ka Cherrry Bean Cafe ka don ruh iaka jaka kaba biang na bynta baroh ki nongbam, ka jaka ban shongthait, ban iakren iakhana bad ki paralok bad ka jaka ban ioh ban treikam treijam ha ryngkat bad ka jingbam ia ki bam kiba bang bad ban pynsngewtynnad ruh lyngba ki jingtem jingput.
“Ka Nongbah Shillong ka long kum ka ïing baar ka jong nga, Nga sngewieid bha ban wan biang shane. Ngi don ia kane ka Cafe kaba itynnad bha mynta bad ngi kwah ba baroh ki briew, ki nongshong shnong jong ka jylla bad ki nongjngohkai pyrthei ban wan sha kane ka Cafe ban lehkmen” ong u Aktor Bollywood.
Ha kane ka cafe yn ioh ia ki jingbam kiba bang bad kiba phylla bad khamtam ia u cheesy burgers, hotdog bad delectable fries kiba iahap bha ban dih bad ka coffee kaba kyrpang.
Ka jinglong jingman kane ka Café bad ka rukom pdiang kylluid mynsiem ia ki nongwan kan pynlong ruh kum ka jaka kaba biang bha ia ki riewshimet ban ioh ia ka jaka kaba kin shong jahthait bad ban pynsngewtynnad ialade.
Pule lang ia kane: Sam u Lat ia ka Rajya Puraskar Award sha ki palat spah ngut ki Scouts bad Guides
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
