Shillong Naiwieng 30: Ka Smart Village Movement (SVM) ryngkat bad ka One School at a Time (OSAAT), kila plie ia ki kamra skul kiba la tei thymmai ha ka Lyngiong Government Lower Primary School bad Mawngap Government Lower Primary School ha ka sngi Thohdieng.
Ia kine ki kamra skul kiba la tei thymmai la plie da u Chief Secretary ka jylla u Bah DP Wahlang kum u kongsan ha ka jingdonlang u Ramkumar u Executive Director ka MBDA bad Nodal Officer ka SVM, u Dr. Sampath Kumar u CEO ka MBDA, u Srinivas Prasad u Volunteer jongka OSAAT, u Bah J.A. Marwein u Sub Divisional School Education Officer bad kiwei kiwei.
Ha katei ka jingshna pynbha ka kynthup iaka jingshna thymmai ia ki kamra skul ki jaka leit shabar, ka jingbuh ia ki shuki bad ki miej kiba thymmai bad ban pyrnung ia ka Building as Learning Aid (BaLA) lyngba ki jingdro dur ha ki kynroh jong ka kamra skul da ka jingthmu ban pynlong ia ka jingpule puthi ki khynnah rit kaba iahap bad ka sawdong sawkun.
Lyngba ka jingshna pynbha ia ki kamra skul ha kitei ki skul kiba don ha thaiñ nongkyndong kan ai jingmyntoi ia ki 478 ngut ki khynnah skul.
U Bah D.P. Wahlang, haba ai jingkren ula banjur ia ka jingkongsan ban don ia ki kamra skul kiba biang ban kyntiew ia ka pule puthi ha ka thain nongkyndong bad ula kyntu ia ki nonghikai, ki kmie ki kpa bad ia ki komiti skul ban iatreilang bad ban pynleit jingmut ha kaban pynbha iaka kyrdan jong ka pule puthi.
Ia ka Smart Village Movement la sdang haka jylla Meghalaya ha u snem 2020 da kaba iatreilang bad ka Berkeley Haas. Kumta naduh kaba sdang ka SVM kala lah ban pyntreikam ia ki katto katne ki projek da kaba phaikhmat sha ka koit ka khiah, ka pule puthi, ka rep ka riang bad kiwei kiwei.
 lyngba ki jingdro dur ha ki kynroh jong ka kamra skul da ka jingthmu ban pynlong ia ka jingpule puthi ki khynnah rit kaba iahap bad ka sawdong sawkun.){kind=link}