SHILLONG, FEB 15: Ka Myntri Khynnah jong ka Sorkar Pdeng kaba khmih iaka Tnad Social Justice and Empowerment ka Pratima Bhoumik hynne ka sngi Palei, kala plie iaka Skilled Training Programme hapoh ka PM-DAKSH (Pradhan Mantri Dakshta Aur Kushalta Sampann Hitgrahi) Yojana,kaba dei na ka bynta ki briew kiba don jingduna ha dkhot met ne Persons With Disabilities (Divyangjan) ha ka jingialang kaba la long ha nongbah in Shillong.
Ia kane ka prokram la pynlong da ka Composite Regional Centre for Skill Development, Rehabilitation and Empowerment of Persons with Disabilities, Shillong bad ha kane ka jingialang ka Myntri Khynnah kala sam ia ki NIRAMAYA Health Card sha ki nongioh jingmyntoi.
Haba ai jingkren ka Bhoumik kala ong ba ka Sorkar Pdeng ka iengskhem ha ka nongrim ban pynkup bor ia kiba don jingduna ha ki dkhot met bad katrei ha ka lynti jong ka jingiohi jngai jongu Myntri Rangbahduh ka ri ban ai jingshakri ia uweu pa uwei u briew.
Ka Myntri kala ong, ba ka jingkular ka sorkar pdeng kala long kaba seisoh, khamtam haba u Myntri Rangbahduh ka ri u Narendra Modi ula wan jngoh iaka Thain shatei lam mihngi palat 60 sien naduh u snem 2014 katba ki Myntri ka Sorkar Pdeng kila wan jurip ia ka thain la palat 450 sien. Ka jingmih ka resol kala wanrah iaka jingkylla ha kathain bad ka tnad ka jongka ruh kalatrei borbah ban ai ia ki lad bad ki kabu kiba kyrpang ia kiba don jingduna ha ki dkhot met.
Kala banjur ia ka jingdonkam ia ka Skill Training Programme for Empowerment of Divyangs bad ka tnad ka jongka kala long beit kaba kloi ban ai jingiarap na ka bynta ka jingdonkam ka jong kiba don jingduna ha ki dkhot met bad ka sienjam kaba la shim da ka Tnad ka long ban wanrah ia ka jingkylla ha kiba bun ki liang, ban trei ha ka liang kaba iadei bad ka hok kiba don jingduna ha ki dkhot met bad ban ai jinghikai ban pyndonkam ia ki kor teknoloji ban kyntiew ia ka rukom im ka jongki hakylleng jong kane ka ri.
Kala aiaroh iaka jingtrei shitom jongka Composite Regional Centre for Skill Development, Rehabilitation and Empowerment of Persons with Disabilities (CRC- Shillong) ha kaban ai ka jingshakri kaba bha tam ia kiba don jingduna ha ki dkhot met khamta meh ha kaban pynlong ia ki prokram ban ai jingsumar bad ki prokram ai jinghikai bapher.
Ka Myntri kala iakren bad iakynduh ia ki Divyangjan ban sngap ia ka khubor kaba la pynsngew da kine kiba la ioh jingmyntoi bad kala ai khublei ruh ia ka sorkar jylla kaba la pyniaid shakhmat ia ki sienjam kiba la shim da ka Ministry of Social Justice and Empowerment na ka bynta ka bha ka miat jong kiba don jingduna ha ki dkhot met hapoh ka jylla.
Ha kane ka prokram la wan ban iashimbynta da u Commissioner & Secretary ka tnad Social Welfare jong ka jylla u Pravin Baksi, ka Commissioner for Persons with Disabilities ka Sabrella B Marak bad kiwei kiwei ki heh ophisar jong ka sorkar jylla.
 Yojana,kaba dei na ka bynta ki briew kiba don jingduna ha dkhot met ne Persons With Disabilities (Divyangjan) ha ka jingialang kaba la long ha nongbah in Shillong.){kind=link}