spot_img

Plie ka MSSDC ia ka Skill Training prokram ha Mihmyntdu

Date:

Share post:

Shillong, Naitung 08: Ka Meghalaya State Skill Development Society (MSSDS) kala plie pyrda hynne ka sngi thohdieng ia ka Skill Training programme ne ka jingai jinghikai pyntbit halor ki kam shna tiar elektrik ba pyndonkam ha ki thliew Iing ( Electrical Domestic) bad ka jingshna pipe um (Plumbing).

Ia kane ka prokam la pynlong ha Bosco Pnar Multipurpose Vocational Training Centre, Salini Colony, Mihmyntdu bad la plie ia ka da u MDC ka Jowai North Bah Brightstar Chyrmang kum u kongsan ha ka jingiadonlang u Skill Development Officer ka West Jaintia Hills District Bah Lambormi Suchen, u Director ka Bosco Pnar, u Fr. Francisco Dhar bad kiwei kiwei.

U Bah Brightstar Chyrmang u la ong ba ka jingai jinghikai ban pyntbit ialade ha ki kam bapher ka long kaba kongsan bha bad ula pynkynmaw ba udei uwei napdeng ki samla uba la ioh iaka jingpyntbit ialade na ka Bosco Pnar bad ki jinghikai kiba ula ioh kila iarap shibun bha ia u.

Ula ong ka jingpyndep iaka jingpule ha ki kyrdan bapher ka long kaba donkam ban ioh ia ki kam bapher hynrei ka jingioh jinghikai ban pyntbit ialade ha ki kam bapher bapher ruh ka long kaba donkam bha..

U la ong, ka MSSDS kala pynlut iaka tyngka bad kala plie lad ia kiba bun ki samla jongka jylla bad u la pynshlur iaki samla ba kidei ban shimkabu iaka lad kaba ki ioh bad ban pynleit jingmut bha ha ka jinghikai kaba ki ioh.

Katba u Skill Development Officer, Bah Lambormi Suchen iu la pyntip ba iaka Skill Meghalaya Programme la plie da u Myntri Rangbah ka jylla u Conrad K Sangma ha ka 8 tarik u Lber mynta u snem.

U la ong, ba ka Skill Meghalaya kadei kaba ai jinghikai ryngkat ban iarap seng kam lajong da kaba pynshong nongrim katkum ka jingdawa ka ioh ka kot ha ka jylla da ka jingthmu ban kyntiew bad ban pynkupbor ia ki samla..

U la ong, da ka jingiohi iaka jingkyrduh kam kyrduh jam ki samla, kumta ka sorkar jylla kala shim ia katei ka sienjam na ka bynta ki samla ka jylla Meghalaya bad u la kyntubia ki samla kiba la shah jied ban ioh jinghikai ban shimkhia iaka jinghikai kaba ki ioh bad ban ym pep klas namar kan long myntoi hi iaki bad iaka lawei ka jongki.

Katba u Director of Bosco Pnar, Fr. Francisco Dhar, u la kyntu ia ki khynnah samla ba kin shimkhia iaka jinghikai kaba ki ioh bad ban ym pynlehnohei iaka.

U la kdew ba ki jinghikai kiba iadei bad ka Electrical Domestic Solution kan long 350 kynta bad haka Plumbing General kan long 410 kynta ne kumba 3 bnai. Kiban ioh jingmyntoi na kane ka projek kin long 100 ngut ki samla na rilum Jaintia.

U la kitbok ia kine ki samla kiba la shim I kane ka kabu ban ioh jinghikai bad kumjuh ruh iaka kynhun kaban ai jinghikai..

Share post:

spot_img
spot_img

Popular

More like this
Related

Plie ka MIDC ia ka Business Facilitation Centre ban pynsuk ia ka jingsengjam ha Jylla

Shillong Jylliew 19: Ka Meghalaya Industrial Development Corporation Ltd....

Pyniaid ki Crorepati ia ka Sorkar Arunachal Pradesh bad Sikkim

Guwahati, Jylliew 19: Kaei kaba ka Jylla Arunachal Pradesh...

Pynkup burom ka MEPA ia 2 ngut ki Journalist ba ioh khusnam na Meghalaya

SHILLONG, JUNE 19: Ka Meghalaya Editors’ and Publishers’ Association...

Aibor ka Sorkar ha ki DC ban rai ia ka Roster System ha ki District

Shillong, Jylliew 19 : Ka Kynhun Myntri ka Sorkar...
spot_img