Shillong, Iaiong 04: Kum shi bynta jong ka jingrakhe sngi Kyrsiew Ri ne ka Khasi National Awakening Day, ka KSU Mawlai Circle ha ka sngi Palei, kala plie pyrda ia ka Maitshaphrang Khasi League Basketball Tournament ha Madan Basketball, Mawlai Nongpdeng.
Ia kane ka lympung iakob ialehkai Basketball ki kynthei bad shynrang la plie da u General Secretary ka KSU u samla Donald V Thabah kum u kongsan ha kaba la iadonlang u Organising Secretary ka KSU u samla Raymond Kharjana, ki nongialam ka KSU Mawlai Circle, ki nongialehkai na ki kynhun bapher bapher bad kiwei kiwei.
Ha kane ka lympung iakob kila don 42 tylli ki kynhun kiba la wan ban iashimbynta kiba kynthup ia ki 30 tylli ki kynhun ha ka liang ki shynrang bad 12 tylli ki kynhun ha ka liang ki kynthei.
Hakane ka sngi plie ka jingiakhun kala long hapdeng ki thei ialehkai ka Mawkasiang Marvels pyrshah ia ka Dubakh C, ha kaba ka Mawkasiang kala pynliem ia ka Dubakh C da 62-29 basket.
Ha ka jingialehkai ka Mawkasiang Marvels pyrshah ia ka Dubakh C jong ki Kynthei, ka Mawkasiang Marvels kala jop da 62-29. Ka Player of the match ka dei ka samla Nazarine Nongneng jong ka Mawkasiang Marvels.
Kumjuh ruh ka Seng Samla Mawlai Nongpdeng kala pynliem ia ka KSU Mawprem Circle da 41-40. Player of the match dei S Lamare jong ka SSMN.
