Shillong, Nailur 20: U Surrender Hynniewtrep National Liberation Council (SHNLC) shah kem ha ka sngi Palei, ula phla ba ula bat kam biang kum u Treasurer hapoh ka seng kiengatiar Hynniewtrep National Liberation Council (HNLC).
Une u SHNLC u dei u bah Sromwell Mawdoh ba 41 snem, uba la shah kem halor ka jingkynnoh donkti ban leit lum ia ka pisa ba dawa da ka HNLC na ki nongkhaii bad heh spah ha Shillong.
Ia u Bah Sromwell la kem da ki Pulit na ka iingsah jong u ha Umpling Dongsharum, kaba hap hapoh ka Rynjah Police Station, pyntip uwei u Heh Pulit
U Bah Sromwell ula phla ba ula bat mynta kum u Treasurer ka HNLC bad ula donkti ha ka jingleit lum ia ka pisa na ki briew, kiba la ioh pdiang ia ka shithi dawa pisa na ka HNLC, iathuh u Heh Pulit.
U Bah Sronwell u dei u Headmaster barim jong ka skul Laishnong Secondary School, Mawlangsu, West Khasi Hills District bad la kem nyngkong eh ia u ha ka 15 tarik Jylliew, 2015.
Ka Tnad Pulit kala register case pyrshah ia ka jingsam shithi dawa pisa jong ka HNLC sha ki nongkhaii bad heh spah ha Shillong.
 shah kem ha ka sngi Palei, ula phla ba ula bat kam biang kum u Treasurer hapoh ka seng kiengatiar Hynniewtrep National Liberation Council (HNLC).){kind=link}